Foodie 生活雜誌

 

一早離開大屋，呢度有段小插曲，話說大家都去左好多次旅行，喺行程安排上叫做老手，但今次居然出現一個低級錯誤 :  book少左一日住宿！最神奇係由平日不理行程的温柔媽發現，總算命不該絕！話說温柔媽前晚無端端睇個行程(佢平日唔會睇)，話今日要離開Vejle，我同太太一直以為係明日至走，若唔係得温柔媽提醒，屋主來收屋時就尷尬死。結果大家從悠悠閒變成急急腳，昨日從legoland回來後立即收拾。

 

今日去Odense揾安徒生，對於我個人認知，丹麥的名物係Lego，名人就係安徒生。安徒生童話係我童年讀物，今次有機會當然去下佢故鄉。可惜當日落左一塲勁大的雨，行程受阻，行唔哂所有展館，有點可惜。離開Odense後直駛丹麥首府哥本哈根，意味著旅程已經過了三份二.....

 

跟住G神去到目的地就會見到個牌，有埋中文，唔慌會錯

 

 

安徒生博物館，場地細細，分兩層，介紹安徒生的生平及作品。

 

 

一入門口就見到安徒生像

 

 

展館介紹其生平，從中我了解到安徒生原來喜歡旅遊，而且除左寫作， 剪紙都好叻。

 

 

記得係邊部作品嗎？

 

 

館內用好多剪紙作裝飾，安徒生的喜好

 

 

現代博物館少不免結合電子科技，小朋友最愛

 

 

參觀完博物館，外面開始落雨

 

 

雨愈落愈大，好彩附近有間社區會堂，入面有餐廳、多款遊戲，又有乒乓波枱，可以打發時間

 

 

望天打掛，打下乒乓波，打發時間

 

 

成班人得我著哂雨衣水鞋，所以由我出去探路揾食，街上靜英英

 

 

一個童話城市內居然有賭場，又估唔到喎，賭場在酒店內

 

 

仍未停雨，決定食午餐先

 

 

 

今次旅程大家都愛上接骨木花味的飲品，今次又點左接骨木花氣水及啤酒

 

 

雨停了，繼續遊走小鎮，跟住腳印行

 

 

街上好多指示牌，唔怕迷路

 

 

 

另一個好有歴史的安徒生博物館，亦係安徒生的居所

 

 

街上的小屋仍然有人住，感覺好唔真實，丹麥人咁高，但間屋咁細，好似唔合比例

 

 

故居對面的紀念品店

 

 

街上有好多銅像，每個銅像代表一個故事，我認得姆子姑娘，勇敢小錫兵，另外兩個唔識

 

 

安徒生兒時居所，聽講個花園係佢自己想像出來，本身只係一道牆。

 

 

市政廳

 

 

呢個建築物有過百年歴史，入面有間餐廳，餐廳內有個中庭，好特別，可惜我已經食左午餐了

 

 

丹麥係咪有好多香港人？呢間係我見到第二間打香港牌頭的餐廳，之前一間在Aarhus 見到

 

 

來到montergarden，以為係另一個博物館，原來呢度有幾個專為小朋友而設的場館，例如樹屋、兒童博物館等，入場費手帶門票已包括，建議若與小朋友同遊一定要來。

 

 

 

由於時間無多，我地見到有趣的門口就走入去，原來叫tinderbox。入面係一個童話世界，有不同場景，提供古代服裝玩角色扮演，大人小朋友尺碼俱備，老少咸宜，再一次覺得丹麥好適合親子遊。

 

 

塲內有不同場景，以燈光營造氣氛

 

 

提供不同服裝作角色扮演

 

 

樓上有畫室

 

 

我都玩下先

 

 

玩到盡，至收館時間至離開，直駛往今晚於哥本哈根的住宿，途中經過海中大橋，條橋好長，行極行唔完，感覺到建設好厲害，立即問下G神，原來條橋好勁！

以下係網上資料:

「奧登塞(Odense)位于丹麥首都哥本哈根到日德蘭半島之間，是哥本哈根通往日德蘭半島的必經之地。在1998年大貝爾特橋通車之前，從西蘭島到菲英島之間只能通過擺渡。大貝爾特橋是世界上第二長懸索橋，1997年鐵路通車，1998年公路也隨後建成。大橋落成後，從哥本哈根到奧登塞僅需75分鐘。」

 

 

可惜天陰，能見度不足，其實對面係一排風力發電的風車