Foodie 生活雜誌

昨日去完legohouse，今日去legoland。一早見到天陰陰，都知無運行，果然去到中午時傾盤大雨。Legoland的面積比我想像中細，而且套用少爺仔的説話 : 「遊戲好bb」。其實都有部分遊戲係刺激的，只係入場時唔識架步。話說當日人山人海，排隊時間頗長，小朋友當然無乜耐性，加上落大雨，遊戲玩得唔多，後段時間更只能躲在禮品店shopping，但我覺得一場嚟到，無理由玩咁少，於是趁細雨時自己出去行一轉，真係感謝上天安排，喺大雨過後好多人離開左，遊戲居然唔使排隊！我立即折返帶小朋友去玩。過程中少爺仔同聰明仔立即跟我起行，反而老闆仔扭扭擰擰，我無想過勸佢，二話不說，轉身走人，點知行行下聽到後面有人大叫，原來老闆仔後悔，叫媽媽同佢追上來，我亦當場教訓佢，機會係唔等人😜大家極速玩左幾個遊戲，䀆興而回。

一早睇見天陰陰，我個心都悶悶地，心想應該調轉，昨日來legoland，今日去legohouse，不過人生邊度有咁多早知？活在當下就好了。

先往停車場泊車，泊車票都好可愛

童年夢想，中年實現！

我地十點左右到達，園內已經好多人

坐下好bb的小火車

仲有好bb的單軌車

呢個摩天輪，少爺仔話bb，想起不過兩年前，同佢玩迪迪尼的小飛象都捉住我，大個仔了

好彩仲有個過山車，佢排隊時好緊張，一度話要同爸爸坐，但我點都要佢同我坐，因為要同佢經歷第一次坐過山車，佢只好乖乖就範，結果都好開心，又多一個「第一次回憶」

終於揾到個駕駛體驗遊戲，懷住興奮心情排隊，可惜原來少爺仔唔夠歲數玩唔到，只好目送聰明仔及老闆仔入場，好掃興，我仲唔開心過佢

超級大雨，見到餐廳在位就入去，都係差不多的西餐，無所謂了

食完飯，雨勢減弱，點知去到玩ninja house的時候，居然機器故障，激死

Laser maze，呢個特務A一樣的遊戲，好好玩

落雨天，有乜好過喺室內睇電影

最出名的縮影世界，好精緻，我通常花好多時間睇

呢隻穿梭機，以為會好勁，發射飛上去，等足成分鐘倒數，原來只噴煙，吹脹

落雨喎，兩位唔担遮？

我自己玩的小船，一人獨坐，VIP咁

有趣的Lego模型，鯊魚砌得好似，狗狗都照顧埋

大雨過後，完全唔使排隊

小朋友自己玩海盜船，river splash 仲連續玩左兩次！今年等三年同呢幾位小朋友去旅行，記得第一年，三個小豆釘，連攀爬的遊戲架都無膽爬，到今日居然自己玩機動遊戲，我見到都有點感慨，小朋友大得真快，好懷念少爺仔bb的樣子

盡興而歸，yeah 🎉🎉

正當我同三位小朋友玩得開心，太太同温柔媽shop得興起之時，有人落單了。佢喺呢段時間自閉地砌砌砌，打發時間，砌左頂聲稱係維京帽的物體，話哂都係僱主，點都要比面戴住影張相囉