Foodie 生活雜誌

5/2022

蛋包飯係日本洋食的代表食品，間唔中都會想食，不過暫時未食到喜歡的。從前喜歡，一樣開喺海港城的niji bistro關門多年。睇到新開的滿天星蛋包飯專門店，索價兩百蚊一個，而且日日排長龍，無諗過食，但因為喜愛的食評人推介，加上有coupon，所以試下。只可講句 : 試過就算。

比親呢張相朋友睇，都會有以下對話 ：

我 ： 估下碟飯幾錢？

朋友 ： 八十

我 ： 日本過江龍店喎

朋友 ： 百二

我 ： 開喺海港城喎

朋友 ： 百六

我 ： 二百幾呀！

朋友 ： 你黐左

我都覺得係黐左，不過用左coupon，價錢總算喺百六以下

蛋包飯賣才相不俗，肉汁味道偏重，有點口渴，半熟蛋醬黃澄澄，口感滑溜，帶點點蛋香，炒飯內食到香菇及帶子，炒飯偏稔偏濕，口感麻麻。漢堡肉無咬口無油香，二百幾蚊個蛋包飯，絕對overprice 

最欣賞係成壺水放枱面，唔使下下叫侍應斟水，慳番大家的時間，讚

用餐時間限時90分鐘，我食完坐喺度飲水睇手機，有排未夠鐘，侍應一時走埋嚟攞走塊牌睇我入坐時間，轉頭有出張單比我，擾擾攘攘，感覺似催我走，唔知以為食緊茶餐廳，感覺好差。

餐廳門外總係排滿人龍，我當日喺開店前五分鐘到，好彩第一輪入到，否則就唔再等了。