close
1/2019光顧
一間標榜無味精、多菜少肉的日本家庭料理餐廳，鰂魚涌店大受歡迎，年前於天后再開分店，當然亦高朋滿座。喜歡餐廳的菜色簡單基本，味道清淡，感覺健康，味蕾舒適的一餐。
可愛的手繪餐牌封面，寫明無味精，自制醬汁
柚子烤雞親子丼定食 雞肉有點鞋，飯有點濕，柚子味香，都幾好食。
蕃茄牛肋野菜咖哩 喜歡餐廳的咖哩味道唔濃烈，帶點甜，蔬菜份量多，牛肋肉腍入味，溏心蛋熟左少少，配個白飯，小朋友食得好開心
青芥牛肋沙津配温泉蛋 牛肋條燒香，配上醒胃的青芥汁，點埋温泉蛋汁，味道多層次，沙律菜幾新鮮，大大盤，似食草
豬頸肉炒烏冬 烏冬有咬口
室內係日本最常用的小木屋裝修，感覺温馨但座位迫夾。
全站熱搜
留言列表
香港食食食 (25)
