(黑椒香茅叉燒 搞搞新意思，又幾香口，叉燒半肥瘦，咬落鬆軟，比某些大吹大擂靚叉燒店好。)
12/2016 光顧
集團式酒家。呢間分店以主辦婚宴為主，所以樓底高，特別整潔光猛，地點就腳。菜色頗多選擇，味道出奇地不俗，今晚點左幾碟小食，有魚有肉，每人唔洗兩舊水，坐足一晚無人趕。我今晚因為想食清d，所以散點，若點是日精選的小菜海鮮雙併三拼都好抵食，之前來食過海鮮都唔錯 (話說有次朋友話要食海鮮，我一心諗住去西貢鯉魚門或三聖，點知佢居然爆冷話食呢間，結果出品又唔錯。朋友係彩福粉絲，話呢間好食過荃灣分店。)各位在附近諗唔都食咩的話，都可以一試。
小食海蜇青瓜 青瓜海蜇爽口，個醋酸左d
小食黑醋雲耳
小食鹵水豬仔腳 睇樣都知得，鹵水味頗濃，雖然唔夠香，但都收貨，豬仔腳啖啖肉，夠稔又入味，good
上湯杞子白合浸菜心
紅燒乳鴿 唔夠香口
蒸魚 等左半個鐘，聲稱即撈即蒸，火喉剛好，肉滑離骨，$148好抵食。
文章標籤
全站熱搜
留言列表
香港食食食 (25)
