坐車經過見到裝修幾骨子，上網查下係食日式定食，見到個豬扒飯幾靚，一於來試下。結果都只係有第一印象 ： 裝修幾骨子。
黃金黑豚豬扒PAN丼
招牌菜，可能個PAN係特色，所以上菜時連PAN上，要自己將豬扒蓋上飯面，我就覺得好煩。最大問題係未收汁，湯太多，滑蛋豬扒倒左落飯面變左湯飯，豬扒質素同我喺成興隆買的三十幾蚊兩塊梅頭豬扒差不多，出品對唔住價錢。
豚肉壽喜燒
對家點左少飯，估唔到少到等於平日的四份一碗飯，唯有叫店家加飯，但加埋都係唔夠一碗份量。鍋內豚肉片、冬菇、豆腐蔬菜雞蛋齊全，不過湯底係味精湯。
朋友話個氣水樽好得意，點左
QR code落單，好多選擇
鋪頭喺街角，日式可愛，裝修近年多左好多呢類定食店，座位少，只賣定食，店主會用心煮，讓食客有家的感覺。但呢間好明顯得個殼，裝修餐具都可愛，但出品非常一般，只得賣相，就似將平價物包裝得靚靚攞出來賣，侍應生手，貌似老闆娘的靚女坐喺吧枱好似喺cafe咁，唔知做乜。
全站熱搜
留言列表
香港食食食 (25)
