12/2020光顧
午餐有兩款menu，分lunch menu四道菜及 tasting menu 八度菜。菜式以日系為基調，走創作路線。我選tasting menu，食材豪華，擺盤靚，配搭唔錯，但味道唔突出，甜品有點驚喜。環境舒適服務不俗，起碼食得飽，若有商場飲食coupon就不妨一試。
餐廳開左一段時間，初開業時已經想來，直至轉到第三任chef至有機會一嘗滋味。首任chef有南美血統，主打時興的日本秘魯fusion菜，因為太受歡迎，已自立門戶喺中環開店。雖然chef走左，但menu 仍保留chef的創作，之後由香港chef接手，剛剛又轉左美國chef，新廚只到左6星期，菜單仍在優化中，所以大家之後幫襯就未必係我呢個菜單了。
Amuse Bouche 鬆化的小方toast上放上北海道海膽，法國魚子，好華麗。
清香的昆布高湯內係燉得好腍又入味的蘿蔔，蘿蔔上有舞茸菇及法國藍龍蝦，為保龍蝦肉鮮嫩，煮到半生熟，但無想像中的鮮甜。湯內加入青檸汁及菊花瓣，添上清香與色相。
三款刺身 深海池魚配秘魯黃椒汁，似南美的ceviche，白蝦配蝦膏醋，白蝦的甜加蝦膏的濃味，唔錯。chu- tora配壽司豉油，整個配搭幾有趣。不過盤刺身由我食第一道菜已準備好，一直攤左喺我面前的準備枱上，食完頭兩道菜至上枱，仲要喺我面前用個保暖杯倒水入個盒度製造仙境效果，我覺得無哂興緻。負責人解釋話Omakase 都係咁，但人地一路切一路整，唔係攤咁耐，我唯有笑笑口話當學嘢。
佢就係咁默默地等
炭燒鹿兒島和牛配洋蔥炒成的菜泥及garlic sauce ，和牛肉質一般，但烤得唔錯，反而菜泥更好味😋
Risotto 侍應話concept 來自大閘蟹，飯底用日本米煮，加入野米增加口感。topping係cheese加蟹糕及松葉蟹肉 ，加上陳醋foam，好味又有新意，我buy
甜品,炸parsley root 、糖醃舞茸菇，配白朱古力雪糕，topping係杏仁泡，蔬菜加雪糕，毫無違和感，幾得意。
再來幾款小甜品 blood peach sorbet下墊蛋糕、梨肉粒jasmine tea、烏魚子朱古力撻、
lego狀的whisky jelly，款款精緻，兩小口食完，好符合我對甜品的要求 : 款多美味量少精緻
烏魚子朱古力，又咸又甜，幾有趣
chef送的甜品 脆波波內係液體的white truffle ，一咬開就係一啖濃濃的truffle 水，幾有驚喜。呢個應該係新上任的chef剛剛想出來，因為我見廚房的員工都試緊味，因為呢個甜品，令我對新chef有點期望，心思思想試下佢個新menu
餐廳門面簡約，裝修時尚，幾有氣氛
坐吧枱可以睇到廚房運作
全程主要由二廚serve我，同chef無乜交流，但見佢全程好勤力地做準備工作，但唔關我呢餐事
留言列表
香港食食食 (25)
