🍁9/2015光顧 星記海鮮飯店@灣仔

現代人生活水準高左,好多人想舒舒服服地食小菜,唔想踎大牌檔,小菜館又嫌迫夾,又唔想幫襯集團酒家,所以呢類中檔菜館應運而生。菜色同小菜館差不多,但會加少少貴價配料,例如家下最流行的黑松露。店子地方企理,有廳房,方便包房聚會,當晚見客人多數係上班族或斯文女士,頗中產feel。食物唔錯,小菜有鑊氣,坐得舒服的中價小菜館,適合喜愛小菜的女士們聚餐,食開大排檔的我就會覺得價錢稍高。侍應斯文有禮,接電話的呀姐好殷勤,一路食一路聽佢接訂座電話,應該好多熟客。

 

前菜醃蘿蔔,個汁酸酸地,蘿蔔夠爽,幾好食

  

椒鹽百福豆腐  外脆內滑,炸槳夠薄,炸得乾身,唔錯,不過加埋一要成舊水一碟,呢d咪係大排檔菜式upgrade 版囉。

  

椒鹽牛仔骨  肉質鬆軟,但咸左少少

  

杏汁白肺湯 要預訂,訂的時侯知道四位用係細鍋,要$398, 覺得幾貴,但鬼叫自己鐘意,上枱後至知原來有花膠,唔怪得知。湯夠融,好足料,花膠雞腳豬肺瘦肉,雞腳好稔,呢個湯我喜歡

  

煎咸雞  切得太細舊,無咬口,而且油膩左少少

  

 

 

  

 

    文章標籤

    灣仔

    全站熱搜

    Hearoom 發表在 痞客邦 留言(0) 人氣()