Foodie 生活雜誌

今日係休息日，他他條條喺間屋食完自家製早餐至出門口，旅行無理由要日日趕路嘛。冰島的東部無乜吸引我的景點，求其揾個峽灣去就算，沿途見到喜歡的就停車睇，hea住行，好享受，駕駛員亦可以盡情玩航拍了。其實今日的景點我都唔知係去邊，只係跟住個地名去。當G神話我知到達目的地時，眼前只見到一個好細的碼頭，四週靜悄悄，最開心係有個免費厠所，感覺有點掃慶，但一場來到，點都要落車行下。我係乜鬼都睇一餐的人，見路就行，見梯就上，發現原來呢度係觀賞puffin的海岸，設有觀景台同觀鳥屋，雖然季節不對，一隻puffin都見唔到，但我仍然興致勃勃四圍參觀，呀Q地幻想puffin喺度的模樣。海岸海水清澈，若有陽光的日子來到，一定更美。

感謝廚部早餐

當然又係天陰啦

呢個牌係咪即係前面有魚釣？

冰島處處是小山溪流

羊羊在拍拖

開始上山了，見到點點秋色

喺一片荒山野嶺之地，突然見到呢個有型建築

建築分兩部份，右手面的係其中公厠，左手邊係資料室，介紹附近行山路徑

洗手間內向外望，痾住嘆美景

駕駛員今日有時間可以慢慢玩航拍了

路上風景，翻過山嶺後就沿住海岸線行

駕駛員試圖用另一function，鎖定駕車拍攝我地翻山越嶺的雄姿，可惜佢要揸車，發覺唔可以兼顧兩當軚，拍攝未能成功。唉話左下次比我揸咪好囉，佢可以慢慢玩，駕駛員話為左保衛地球，可以犧牲自己航拍的機會，幾偉大！

冰島其中一個熱門活動 : 騎馬

冰島好少遇到人，遇到羊的機會較多。

揸左個幾鐘車來到呢個荒涼海岸，有點心虛，幾驚被團友責怪。好彩總算有個名堂 : Puffin 觀鳥海岸。雖然無puffin睇😅（puffin只於5至8月至出現）

長長樓梯通往觀景台

從觀景台往下望的小碼頭，避風港

無puffin，但仍然有好多海鳥，好熱鬧

紅頂的小屋係Puffin夏天的別墅

想像企滿puffin 的山坡會幾壯觀

觀鳥小屋

跟好多地方的觀鳥屋一樣，小屋三邊設有窗口，可以近距離觀賞又唔騷擾到鳥兒

觀鳥屋要收費，收費表上列出不同國家幣值的入場費，歐洲國家收費奉行自律自助，自行放下費用就得。我去的時候觀鳥季節已過，我無付費

小屋外望

Guestbook 

Puffin見唔到，見到佢，完全唔怕人

觀景台旁邊的海岸，海水清澈，好多水母，若有陽光射下來，一定好靚。（又再運用想像力）