Foodie 生活雜誌

🍁9/2015光顧 L'atelier de Joel Robuchon

窮風流又出動，今次係另一間法國菜，L'atelier de Joel Robuchon。餐廳的特色係open kitchen，以吧枱坐位為主，可以睇住廚師表演，但我今次人多，所以餐廳安排左房間比我，仲有一個非常友善同對菜式有充分了解的Amy小姐serve我地，最重要係講中文！文盲的我即時點得放心，食得開心，由於坐房，更可以每事問，呢餐真係食得暢快！法蘭西菜好精緻，每碟菜都的的式式，但其實好花心思，我型容唔到咁多，只能寫個大概，相簿內有菜牌可供參考，但菜式同當日有少少出入。法蘭西菜一向比我的印象係又貴又細碟，得個靚字，仲要食得拘謹，加上自己英文唔好，怕失禮，可幸近年有價錢平一點的午餐，亦多左好多本地人serve (自由神帶來的好處?)令我可以跨過心理同金錢上的障礙，亦愈來愈喜歡，因為每次都會期待有何驚喜。

一大盤麵包，軟的硬的，有饀的無饀的多款選擇，好好食！坐低時4個人已有兩盤，對遲來的朋友，Amy 小姐細心地再攞一盤熱麵包出來，三大盤麵包當然食唔唒，結果打包，第二日打開個盒仍然有濃濃的麵包香。

比Amy 小姐型容完，枝水都好似好飲d (大概意思係法蘭西來，勁)

 Amuse Bouche 係用墨魚汁做的薄脆夾住sadine 做成的mouse，配lemons jelly 上加素菜做的cream，寫左咁多個字，但其實食味無特別，賣相亦普通

頭盤我點baby vegetable 釀豬肉，賣相好可愛，豬肉味濃，配上鮮甜蔬菜，好味

朋友選的粟米凍湯，我試左一啖，好甜好滑，朋友話好飲

另一個頭盤，好豐富的組合，清淡的白豆配濃味的iberico ham, 同花瓜卷，好balance, Amy 小姐大力推薦，我好欣賞佢有話直説，例如我問頭盤應選邊款，佢會話「若第一次來，可以試些特別的，田雞腿呢d可以留番下次，因為都係田雞腿，只係佢由法國運來」。我buy!

例牌磨菇湯，好濃好香，倒出來時一室菇香，飲完都半飽

朋友點的係龍蝦清湯，清湯配上手打龍蝦丸，普通。本來我都想點，但想起每次點清湯都無好結果，加上Amy 小姐話好重薑味，所以放棄，試完後知道選擇正確

龍蝦意粉  簽名菜。本來無想過點，但Amy 小姐形容得實在吸引，龍蝦彈牙鮮甜，配上用龍蝦膏熬成的醬汁，唔識形容，總之係好食

煎比目魚 朋友無話好食，賣相都普通，不過個薯蓉好滑

petit four

甜品就賣相與食味都唔見得出色  果仁cream puff 配梨子雪糕

 朱古力蛋糕

雲呢拿雪糕

咖啡香濃，生日的主角就比個happy birthday

通常坐吧枱