8/2021光顧
chef以西班牙混合日本為靈感創作菜式，之前chef在HAKU的時候已想試，點知佢好快已自立門户。新餐廳ANDO極具人氣，出名難book位，又要網上book 又要落訂，原本嫌麻煩唔打算食，但見尖咀朋友幫襯後影的相又幾靚，的起心肝book。菜式配搭有心思，賣相靚，集合西洋的創意及日本的細心，餐具擺設好花心思，整個用餐經驗良好，有點久違了的驚喜，
歡迎菜 巴馬火腿茄蓉撻，青豆竹炭tart，番茄青湯，清新開胃
beef tartar 牛肉混入柚子胡椒，牛肉上有炸蔥及魚子醬，整體味道濃郁又有層次，但仍然食到牛味
甜蝦配枸杞果、小洋蔥及甜椒 擺碟似荷塘浮在白雲上，清甜的蝦及蔬菜浸在魚湯Leche de tigre，鮮味更出。
揀筷子食刺身，第一次喺香港遇到。喺日本食西餐成日都有嘢揀，揀碟揀筷子，增添用餐趣味性。
五款刺身 ： 帶子、鰤魚、平目、鰈魚、赤身，各自配不同醬汁食用，我唔記得咁多。不過幾有新鮮感，味道亦唔錯，五款刺身放在五個小碟上，上枱時侍應似砌puzzle一樣砌出不同排例，好有玩味
麵包時間 食到中塲至來麵包。麵包由Baked House 提供，三款包麵包 : 麥包、牛油brioche及sourdough ，配三款牛油 : 海鹽、櫻花蝦及白芝麻，仲有濃厚橄欖油，牛油香滑，brioche鬆軟，sourdough 濕度剛剛好，可以當一個course。麵包可以添加。
煎鵪鶉配南瓜粟米汁 鵪鶉肉嫩，sauce 輕盈，加上青豆泥，好味
花尾龍躉辣肉腸湯飯 魚湯極濃，魚肉啖啖肉，我好喜歡食湯飯，覺得好好味
chef好注重餐具，我見其他枱用不同的盅來裝飯
甜品 底層係海鹽雪糕，雪糕上係焦糖燉蛋，以白朱古力做的金環做裝飾，食的時候撈埋食，甜中帶咸，有趣
Petit four有幾款選擇 : 櫻花糯米卷、士多啤梨、提子啫喱、朱古力橙皮及綠茶撻，精緻好味
套餐唔包飲品，要加錢點。有幾款茶及咖啡選擇，茶葉及咖啡豆放在盒中小管內，好靚。但結果都係睇menu
花茶
咖啡一般，不過隻杯好靚
餐廳門口昏暗，大門緊閉，推門而入係另一種氣氛，有心思。
餐廳面積唔大，裝修帶點禪味
午市套餐分兩款，一長一短，一貴一平，同枱的要選同一款，因為朋友唔食牛，所以選個短的，不過短menu刺身要另加錢，所以其實價錢差不多。
餐牌都好有心思，每一道菜都係一個故事。
防疫用品
留言列表
香港食食食 (25)
