Foodie 生活雜誌

12/2020光顧

餐廳之前因裝修停業，重開後餐單風榴亦有更改。新餐單多左素菜選擇，清淡左，今次選 3 course lunch set，好多菜式都要另外加錢，而家點餐真係有「見價不是價」的感覺。主菜好味，頭盤及甜品一般，最驚喜係個petit four ，好華麗。不過似乎暫時未能吸引我再來了。

麵包有空氣感，濕度剛好，簡單配海鹽牛油，好味

Amuse Bouche red bell pepper paste 上面係chilli 做的薄片，下面係parsley sauce。雖然係素食，但red bell pepper paste 有質感，味道好濃，感覺唔似素食，健康又好味。

頭盤 Foie Gras。four spices。yellow beetroot無前途的我永恆點花瓜(其實想點龍蝦，但要加錢)鵝肝凍味道濃質地幼滑，甜菜頭爽甜，切薄片砌成花放鵝肝上，似個小花園，兩者加埋跟麵包同食，口感豐富有層次。

主菜 Pigeon 又係慣性點菜，總係抵擋不了鴿肉的嫩滑，而且法國菜的鴿煮得較生，肉更嫩。主菜鴿肉皮香肉嫩，另外有用剁碎鴿肉做饀的酥皮鴿肉角，皮酥肉juicy，配朱古力汁及beetroot同食，加上玫瑰花瓣點綴，色香味俱全。伴菜的桃都好味。

主菜 鹿肉 侍應話係野生打獵回來的鹿肉，有機會食到子彈碎，若食到就係幸運的意思。雖然唔多相信，但起碼為菜式增添故事性。朋友話肉味濃，唔錯。

甜品 兩個甜品我都想唔起係乜。可能記憶都被華麗的petit four 分左去。

華麗的petit four 分別有 : 日本士多啤梨、Madeleines、糖醬杯及 hawau shot

冰鎮日本士多啤梨

Madeleines配柿味果醬，果醬頗甜

小杯內係杏仁醬 上鋪dark chocolate 醬，香而不膩，

hawau shot，用espresso coffee 做底，見侍應加冰加lime放入雞尾酒容器搖兩搖再倒出來，講真味道無乜特別，但見到侍應的功架就覺得杯嘢好勁囉。

咖啡不濃不淡，但問題喺隻杯度，靚就靚，但好傳熱，要等咖啡涼左至攞得起隻杯，咖啡温度打折扣了。

餐廳裝修後無左個萬箭穿心裝飾，整體感覺平凡

幾欣賞呢張櫈仔，好有型