Foodie 生活雜誌

2/2021 光顧

餐廳的3 course lunch set 幾抵食，賣相精緻，配搭有心思，味道又好，侍應有禮，之前食過唔錯，帶太后來，佢一坐底好担心食唔飽，結果好滿意，叫我轉左餐牌後再帶佢來。上次食過chef table都好滿意，轉左餐牌後本來訂左晚餐，但因為疫情關係無得食，恢復晚市後一定會再食💪🏻

Amuse bouche 紫菜做的tart 皮上係醃三文魚及魚子，味道好有海洋感又好味

頭盤 雞腿肉醬 以雞腿肉加入醃洋蔥及栗子做成肉醬批，批上鋪上布冧果醬，配小toast 食，果醬及醃洋蔥酸酸甜甜，配肉好夾。厚toast烘得鬆軟，不過肉批較實，配toast未能搽開，結果都係包還包肉還肉食。

頭盤 鯖魚tartar配青瓜及青提，淋上青瓜香草清湯，整個頭盤好清新，太后大讚。

自製愛爾蘭soda bread，cream butter

主菜  低温煮的𩶘魚好滑，cream狀鱈魚籽醬汁濃厚，配魚同食增加質感。配菜係kale及小番茄，味道及份量都恰到好處

主菜 14日熟成鴨肉 煎鴨胸非常柔軟，夾埋鴨皮的油脂同食，口感豐腴。另有一小件鴨肉漢堡，配白蘿蔔及紫蘇，好好的平衡。

甜品 白朱古力pans cotta上係梨肉做的水珠、加上無花果葉味雪糕，放上金盞花葉，整體味道清甜，又靚又好食。

甜品 軟brownie墊底，放上海鹽可可脆殼，最上層係合桃雪糕，brownie 軟綿綿，有點似tiramisu ，平實的外表下帶著細節。