Foodie 生活雜誌

旅館最吸引我的係温泉設施，因為內設砂浴，原來温泉浴場都好華麗。晚餐懷石料理一般，服務亦一般，可能實在太多人。反而自助早餐幾好，選擇多，味道唔錯。最最令我欣喜的係温泉外面的燒酌酒塲，免費任飲任試，我當然唔蝕底，試左好幾杯，覺得抵哂😁

旅館好大，行去温泉都要行好遠

進入温泉區，經過小型博物館

古式古鄉的温泉街感覺

温泉區好大，有好幾個池，steam， sauna 都有 (圖片取自網上)，圖中的橋係通往砂浴。

露天温泉(圖片取自網上)

砂浴場，要另外收費，我入住時選左包砂浴的計劃，所以忘記幾多錢。所有人就排哂一行行瞓在砂上，再被砂堆著，雖然感覺似土葬，但暖洋洋好舒服

砂浴就在小屋內，當日天氣冷，小屋的窗門都關上了，所以幾焗，又聽唔到海浪聲，反觀砂樂環境就比較open，舒服點，但又要著住單薄的衫經沙灘行去砂浴場，真係各有各利弊。

是日亮點 : 酒場

岩盤浴在酒場內，要另外付費，所以我無試

門口有人咁高的清酒做裝飾

你見到架上所有酒都可以試

吧枱都有

試飲無料，雖然唔係名貴的酒，但都好開心

死唔蝕底，試左支最貴的 (都係八千yen左右)，辣到嗆喉

另一個展望室內風呂

無特別，我第二朝浸左一陣就離開

晚餐 用和紙蓋住，侍應在揭開紙的時候，紙黏住左件球壽司，成件飛起左，侍應只尷尬一笑，收左件壽後無任何表示，我隔左一陣問佢至醒起要補番壽司比我。全餐上菜慢，等了又等，雞手鴨腳，好少遇到如此求其的旅館餐飲服務，大打折扣。

晚餐餐單

食物一般

訂房時選左龍蝦刺身晚餐，可惜龍蝦並不鮮甜，甚至有點乾，不過明白一分錢 一分貨，又唔覺太失望。早餐係豐富的自助餐，水準ok，但無影相