2018鹿兒島遊 酒店篇 妙見石原莊@霧島 (房間篇)
嘆温泉係遊日本的指定動作,九州滿佈一游的温泉旅館,今次的選擇係指宿白水館 (之前已分享) 及呢間 : 霧島的妙見石原莊。全館只得19間房,旅館房間分兩種 : 主樓內的和式房間及石藏內的洋式房間,今次我選擇入住較新的石藏洋式房間。旅館臨河而建,佔地大及非常幽靜,房間舒適,服務員係法國人,英文非常流利,首次入住温泉旅館可以溝通得如此暢順,而且服務一流,非常用心,感覺極度良好。
主樓及本館。 旅館提供接駁計程車服務,一台費用1200yen,從隼人站過來約15分鐘車程。若自行截車會較貴
主樓及石藏。
天氣冷,一進門已見到小花貓圍爐取暖,之後成日都同佢相遇,據職員所講,花貓係自來貓,之前被店主在河邊遇到,之後就喺度住左好多年,真識揀。
welcome snack 好味
一河之隔的對面係雅敘苑,原本都係我考慮對象,同石原莊係兩個完全不同的style ,行古樸風,不過温泉唔吸引,加上請教完温泉達人以後,決定選石原莊。
石藏係從農家買入的歴史建築,再搬來現址重新砌成,古老的外表內係舒適又現代的室內設計,非常有型
房間在二樓,一廳一房,附設露天風呂
房間佈置舒適,有個火爐裝飾,倍添温暖感
mini bar 咖啡飲料任飲,羊毛出在羊身上
露天風呂
風呂面積適中,可以躺在椅上休息,爽YY
外面係天降川
衛浴設計時尚
衛浴在風呂及睡房之間,貼心的設計
房間舒適,燈光柔和,營造舒適氣氛
仲有個天窗,唔知點解好鍾意有天窗的屋
一般浴袍裕衣齊備
留言列表