Foodie 生活雜誌

離開Hjalteyri再繼續行程，沿海邊行，穿過幾個山(隧道)到達Siglufjörður，一個寧靜小漁港，鎮上雖然冷清清，但有捕魚博物館，又有酒店及旅館，夏天應該係旅遊勝地。我地來到嘆個午餐，再行個圈就離開，一直往今晚的旅館。

天氣好，乜都靚

車路沿海而行

呢邊有隧道，其他地區除左回雷市一段，都唔覺有隧道，隧道係單程路，千萬唔好開咁快，仲有好多避車處。

到達小漁村，先去餐廳醫肚

餐廳以木雕作裝飾

menu度度差不多，都係魚湯，pasta 同麵包

飯後一杯啡

餐後四圍行，路邊的木屋係博物館群，記錄小鎮港口捕魚歴史

要入場費，我當然無入。

鎮上的木屋色彩繽紛，呢間綠色的係酒店

呢間屋好有趣，所有門窗都係畫上去，假㗎。

參觀港口

漁夫們好勤力，星期日都開工

好多魚獲呢

再上路，已近黃昏

老人與海 x 2

途經有型的冰島教堂，冰島的教堂建築現代化，線條簡約，幾有型

晚餐 太后有強迫症，經過多日相處，好脾氣的美魔女都開始頂唔住。太后喜歡指三導四，但其實自己又唔識，最大問題係佢唔可以停下來。旅途中的煮食部係美魔女負責，佢已經有哂主意，但太后總係無建設性地意見多多，不停煩住美魔女，好一個美魔女，以訓練狗隻的方法，總係準備好一d無關痛癢的小工作比太后，例如洗菜、擺枱等，我都好佩服，仲諗住向佢好好請教。點知就喺煮呢餐的時候，當美魔女低頭切菜時，我過去問佢有咩幫手，佢一臉惶恐地抬起頭，原來佢以為我係太后，一見到係我就立即鬆一口氣，睇來太后的壓迫力已令美魔女有驚恐症，真可憐。我唯有繼續用番古法對太后 : 喝停佢😡😡

充實的一天過去了