Foodie 生活雜誌

3/2021光顧

去過大廚喺西九文化區的另一間餐廳PANO，覺得麻麻，不過呢度有coupon，又試下。喺OTE食飯，主要係食個景啦。3 course lunch set 三百幾，加多幾十蚊多個starter，我一向有大食大，梗係點多個starter。 食物水準一般，頭盤幾靚，main course 及甜品普通，即係食完都唔知寫乜的餐廳，不過都係食環境，試過就算。

麵包

頭盤 海鮮汁煮蜆配蒜蓉包。汁幾香，蜆唔夠肥。

頭盤 花瓜(鵝肝)terrine 配無花果泥，pear jelly，花瓜幼滑，無花果泥清甜，pear jelly清新，好夾，不俗的一道菜

頭盤 mushroom soup  内有炸飯球。蘑菇湯唔夠濃，加左飯球至增加質感

主菜 大蘑菇露笋天使麵配椰子雞清湯 湯頭清淡，成碗麵似素菜湯麵，一心諗住食意大利餐，感覺怪怪的

主菜 八爪魚茄醬意粉 八爪魚柔軟，茄醬口感太濃，唔係我喜歡的類型

甜品 居然係OREO芝士蛋糕，似係小cafe的甜品，放喺呢個餐度就有求其的感覺。

套餐無包咖啡，由於餐廳環境不俗，加上懶得四圍再揾咖啡店，點埋咖啡好了。咖啡味淡，奶多過啡

餐廳喺海運OTE 4樓，連接露台，無論室內室外都好開揚，又係環境優於食物的餐廳

對住維港景的露天雅座最煞食，不過坐近草屏有好多蚊，當日兩枱客都要調位。