Foodie 生活雜誌

1/2021 光顧

傳統高級法國餐廳，感覺好高貴，之前雖然想試但又無乜動力，知道主厨Uwe Opocensky 加入，終於下決心幫襯。主廚之前開設自家餐廳Uwe時已想幫襯，因為覺得菜式幾吸引，但結果要到Petru至可以一嘗滋味。可能始終係傳統餐廳，菜式無之前的咁玩味 (之前的只靠睇相)，但味道及配搭都好。餐廳佈置華麗豪華，一列向海落地玻璃，望哂維港兩岸，個view 好正。服務親切有禮，整餐感覺好舒服，一定會再來。

麵包簡單配牛油已好好味。

我最鍾意食呢個，充滿牛油香

Amuse Bouche 黑松露pamasen cheese puff，芝士味極濃，puff內的饀係truffle mouse ，香上加香

頭盤 beef tartare配Sabayon 醬  beef tartare最緊要牛肉質素好，色澤自然，調味剛好，口感唔會一pat 咁，tartare 上係酸酸甜甜的beetroot 再配cream狀質地的sabayong sauce，之前食的tartare都無sauce，配上咁rich的sauce，牛肉更juicy 

栗子湯  入秋後栗子係時令食物，見到就不其然點左，碗底係煙雞肉，粟子片及雞皮，上枱時再加入濃濃的栗子湯，飲的時候夾雜住煙熏味，好有溫暖感

酥皮龍蝦 酥皮就咁做成一塊放喺面，毫不花巧，食落非常酥鬆，好好味。香草泡泡下係龍蝦、菇及芹菜， 龍蝦鮮甜肉嫩，醬汁味道輕盈，酥皮味道濃，但兩者又好夾，高水準的龍蝦菜式。

甜品 餅乾底、蕎麥、梨蓉，上面蓋上朱古力片，清甜的梨配濃味的朱古力，餅乾及蕎麥添口感，nice

又來栗子，栗子蛋糕上鋪左滿滿的栗子絲，感覺好滿足，配橘子味雪糕，加入橙酒及糖漿，唔搞花臣，實際好味

好感謝侍應哥哥細心幫我地將甜品分開一半，薄薄的朱古力片都保持原整👍🏻

套餐唔包咖啡，但我點都要見肥威至覺完滿，唯有自己加錢。咖啡味道一般，貝殼蛋糕唔錯。

餐廳設計走法式宮廷路線，塊麗豪華。