Foodie 生活雜誌

12/2022光顧

食完後只得一個感概 : 不自量力🥹為左十八斬而去，菜式幾特別，好多食材都未食過，不過作為上等人食府，結果我就係貴價菜食唔起，平民菜嫌貴之餘又食唔到特色，兩頭唔到岸，叫做試過囉。感謝朋友陪我食呢餐貴夾唔飽的一餐

歡迎小食，我遲到，食友們已開動，見食器幾靚就影下。綠色的辣醬幾好食

茶壺幾精緻

香油兒菜

兒菜，即大頭菜，醃左就係廣東人的榨菜。香油都係麻油的一種，但味道無咁濃，色澤金黃。

兒菜頭切片，用香油涼拌，擺碟精美，兒菜爽甜，香油清香而不膩，食材簡單但高質，加上大廚手工，就成為一道精緻的前菜，餐廳就係食呢種精品菜。

招牌十八斬 

即係醬油醃蟹。刀工好，擺碟好靚，蟹多膏，不過食落唔夠鮮甜，我喜歡韓國醬油蟹多d

新風手撕鰻筒

即係手撕經風乾的鰻魚肉，魚肉緊實帶咸鮮香，味道不俗，幾特別的菜式。

酸湯黃魚羹

上枱時用小蠟燭熱住，keep住温度。

魚羹顏色好靚，魚湯內有小黃魚、番茄、青瓜、竹笙，湯底帶點酸辣，但完全無搶到綿滑小黃魚的鮮味。上網睇番資料，原來酸湯係以寧波酸湯的發酵技術製作酸湯底，難怪個酸辣度好似完全融入湯中，毫不突兀。

生炒辣味土雞

雞瘦，味淡，好失望的一道菜。

伊比利亜黑毛豬焗飯

得個油字，油膩的感覺蓋過哂蔥香飯香。

寧波湯圓

湯丸皮薄，黑芝麻饀香而不膩，最特別係平時食開的薑糖水變左白開水加瓣桂花，地方不同食法不同，無想過咁特別，又長見識了。

餐廳門面溏璜，內裡地方唔算大(樓上應該另有廳房)，佈置高雅，天花一幅水晶燈好吸睛。