Foodie 生活雜誌

12/2022光顧

台灣過江龍，當年去台灣又無諗過食，不過近年重新認識麻辣火鍋，開始喜歡。餐廳的湯底唔算濃，食材不俗，但又無乜特色，而且碟頭好細，食價比唔高。亮點係任食豆腐、鴨血同好好的服務態度。相比之下，我喜歡麻神多d。

welcome tea

預備好的幾枝湯底，唔係加滾水

麻辣鍋

鍋內已有鴨血及豆腐，湯底味道平和，我喜歡濃一點的。鴨血係長身硬豆腐質地，我喜歡果凍質地的。

朋友唔食辣，原本想點鴛鴦鍋，但侍應話麻辣都唔算太辣，可以試下先，我豪氣地對佢講$79之嘛，唔啱咪點多個白湯你試囉！朋友細細聲提我 : 係$79一位…..我於是弱弱地講 : 咁就點麻辣算了。

冰淇淋豆腐

造型可愛，但講真，咁細粒我真係食唔出咩味

烏梅汁

酸酸甜甜，濃濃的幾好飲

老油條、鵝腸、牛筋丸、三色滑，全部的的式式，揾隻豉油碟裝住，覺得自己好窮

牛頸脊

侍應服務好好，温柔地介紹餐廳食物，應該係餐廳標準要求，令人感覺舒服。又主動過來加鴨血及豆腐，態度好好。

水蜜桃沙冰

送的，清下味蕾。台式火鍋比我的感覺就係搞好多花臣。

調味吧，呢個蒜泥水幾特別，不過無乜味，落蒜蓉好d

晚餐分兩輪(火鍋都分兩輪，兩小時點食？)我選第二輪，食到九點幾都無乜人了，可以坐耐d