close
11/2022光顧
餐廳食順德菜。原本以為係普通餐廳，原來係私房菜，去到至知全部獨立房間，我當晚係因為其中一枱客唔介意同人share房間至比到張枱我。餐牌簡單，得兩頁，大部份係好多餐廳唔願做的家鄉手工菜，味道唔錯，因為第一次食加上大家食力有限，下次要約多d人試埋其他嘢。
前菜
醃蘿蔔爽口入味，好味。
順德花膠拆魚羹
好多配料好足料，香濃的魚湯底，啖啖魚肉，勾個薄芡剛剛好，食落好有質感
大良雞卷拼炒鮮奶
鮮奶加入蝦肉炒，香滑好味。野雞卷原來唔係雞，係豬脊肥肉包住瘦肉來炸，兩者都係手工菜，雖然油左d，但都好味道。
順德煎釀鯪魚
呢個唔使多介紹，食親順德菜都幾乎會點，鯪魚起肉後，加入配料打成魚膠再釀入魚身，落鑊再煎，煎得香口，再淋上香濃的蒜頭豆豉茨汁，淨係食手工都值。
XO 醬豉油王炒陳村粉
睇色水都知惹味
薑汁撞奶
又係必點啦。薑味濃，奶味香，夠綿滑，甜度剛好，好味。
餐牌只得兩頁紙，但又樣樣都想食。
餐廳全部係房間，設最低消費，詳情請自行查詢
全站熱搜
留言列表
香港食食食 (25)
