6/2021光顧
餐廳喺新蒲崗的旗艦店係老字號，好有地位，因為評語好壞參半，所以多年來都無幫襯過。呢間喺太子的upgrade版，睇雜誌介紹幾吸引，原本想幫襯，但有次食過外賣鹵水鵝，覺得水準一般，喺侯食名單上除名，今次朋友話去就試下。餐牌上好多食物都吸引，但食過後只覺味道一般，味道不濃不淡，硬係差緊d咁，而且價位稍高，試過就算。
愈來愈麻甩，食飯要啤啤佢。
鹵水拼盤 鵝肉、鵝肝、鵝腸。鹵水汁香，鵝肉柔軟，比之前外賣的好，鵝肝夠粉，鵝腸肥美，不俗。
九層塔魚露炒蟶子皇 睇落配搭有新意，但食落又唔多夾，九層塔搶左蟶子的鮮味，另外唔知係咪加左魚露，蟶子食落有點腥
胡椒咸菜豬肚湯 味道平和，唔夠辣
好似係芋蓉鵝肉？唔記得咗😨
普寧豆腐 豆腐外脆內滑，出品不俗，亮點係濃濃的鹽水韭菜醬。
方魚芥蘭甜又嫩
綠豆爽
反沙芋
餐廳喺花園街尾，新開的酒店地下，個位唔多顯眼，屬於行過都唔知嗰類，地方細細，我估大枱在樓上
6/2021
全站熱搜
留言列表
香港食食食 (25)
