Foodie 生活雜誌

連續兩日都會行古城，車唔能夠入古城，城外亦無位泊，所以呢兩日都唔會用車，訂住宿時一定要揀有車位的。由住宿行去古城只需十五分鐘，好彩喺間靚景餐廳食完早餐就行城牆了。因為留兩日，買張Dubrovnik pass 方便d，個pass包左大部份的旅遊點入塲券及可乘坐多條巴士線，用來去厠所都抵，喺門口scan個QR code，即塲買就得。不過記住每個景點只可以入一次，我就因為無留意呢點，影響左行程。

Dubrovnik古城因為作為電影Game of Thrones的場景而聲名大噪，我無睇過電影，一心以為只係名過於實的超級旅遊區，一定人多又商業化，甚至想過skip左唔來，但當我登上城牆，望出去的風景係我完全無想過咁靚，即時慶幸無放棄呢個地方。雖然靚到忍唔住瘋狂影相，但完全影唔出眼中的美景。沿住城牆行左大半，愈行愈熱，落番古城內揾間餐廳hea下，之後坐纜車上山頂，最後返回古城食晚餐就回住宿休息了。

沿樓梯行去古城，遇到實Q貓，咪以為佢好似瞓緊咁，前面梯級的死老鼠我懷疑係佢的傑作

喺城門口見到間餐廳幾靚，入去睇下，原來有個靚view，仲好好彩比到個室外靚景位我哋❤️

餐廳面對古城外的淺灘

早餐好豐富

古城係Dubrovnik必到旅遊點，早起的鳥兒有蟲吃，我地早餐前同早餐後已經不同光景，好多人

先上城牆，注意，就算買pass都只可以入一次

好直好高的樓梯

古城廣場

所有屋頂都係橙色

對面係雕堡，明日去

圍住城牆行

話左商業化，城牆上都有餐廳

海岩邊都有餐廳

除左上城牆睇景，城牆內都好多部分可參觀，有博物館

港口

落去古城揾食，最鍾意影呢d巷仔

呢間餐廳唔錯，另文介紹

樓梯上係城牆內的地下室入口

好有型的籃球場

落番廣場

小巷內好多餐廳

歐洲必食

出番古城行去坐纜車

我覺得呢個纜車把鬼，山頂纜車站好細，望落去古城又唔係特別靚，如果我唔係纜車控真係唔會坐

鳥瞰古城

山頂有得玩zip line，但要預訂，另有ATV car

落番古城已入夜

去左間小店，老闆吹水比廚藝勁，唔係唔好食，只係無佢講得咁好食

晚上的古城仍舊熱鬧

今日個個都好攰，坐uber返去好了