2/2023 光顧
地方舒適，食物賣相吸引但唔啱我口味，唔係太咸就係唔夠味，一係就火喉唔夠，加上冷氣大開，吹到食物凍哂，大打折扣，試過就算。餐廳喺牛頭角同觀塘交界，坐港鐵喺牛頭角站落至啱。
鵝肉四拼
鵝肉、紅腸、腩肉、豆腐。鵝肉變鵝片，本身鵝片要貴$20，好似抵左，但其實我較喜歡食鵝肉，貪佢有皮有骨有咬口。加上呢個鵝片乾爭爭，鹵水汁唔夠，叫左侍應加汁，點知個汁都幾咸。紅腸切得好薄，整個拼盤質素麻麻。
咸菜煮豬肚
賣相似點心大點。湯頭唔夠味，咸菜及豬肚太稔，得腐竹比較好
煎蠔烙
完全唔香口，似油煎餅，另外點左個欖菜四季豆，忘記影相，不過都係唔夠鑊氣
見到呢個自動加水水機，覺得好新奇，太后話好多地方都有，只能怪自己見識少。
地方寬敞，不過都係枱貼枱，坐滿人會幾迫
餐廳喺大厦二樓
全站熱搜
留言列表
香港食食食 (25)
