Foodie 生活雜誌

8/2019 光顧

朋友帶我來食潮洲菜，傳統菜式，出品唔錯。鹵水鵝鹵水香鵝肉滑，普寧豆腐外酥內滑，韮菜棵皮煙靭，整體水準不俗，招呼親切，雖然冷氣出風唔多平均，張枱又太細，迫迫夾夾，但都係一開有水準的潮州菜館。

鹵水濃郁，味道温和適中，鵝肉滑嫩入味，但鵝肉皮下脂肪多左少少。

沙爹牛肉 嫩芥蘭墊底，沙爹幾重手，又濃又咸，完全食唔到牛肉味

韮菜棵 外皮軟糯，但饀內的韮菜味唔夠香

千絲芋頭糕 炸得乾身，芋頭味香，咬落煙靭有口感。平時唔食多食芋頭的我都食左半塊

普寧豆腐 豆腐外酥內滑，水準之作

菜圃肉碎煎蛋 煎蛋絲毫不覺油膩，但味道清淡，菜圃只有口感，味道不足

蠔仔粥 蠔肉大粒鮮味，湯頭可口，唔係味精水

方魚肉碎粥 方魚香

清心丸綠頭爽 加入黃糖煮，稍嫌過甜，清心丸柔軟，綠豆爽軟硬適中

羔燒三寶 一款幾特別的傳統潮式甜品，三寶芋頭、蕃薯及白果，以一層薄薄的糖醬包住，三寶人口軟糯，無想像中甜膩，幾有驚喜的甜品。

敬送功夫茶 茶香味甘，夠熱

餐廳在駱克道，坐位都在二樓，所以鋪位細，唔多起眼，小菜館格局，裝修清簡，有兩廳房，最低消費$6000