(景點 : 屏山文物徑/屏山天水圍公共圖書館/天盛街市)
今次我出trip 同小朋友去參觀圍村。喺急速發展的今天，舊建築已買少見少，難得屏山文物徑沿途仍有保留完整老屋、祠堂等，好值得參觀。以往去天水圍似番鄉下，今時今日完全唔同，旺過旺角，交通方便，坐西鐵直達，天水圍站落車，區內好多新落成的社區設施又新又靚，例如屏山天水圍公共圖書館，設計簡潔有型，有空中花園可以於户外閱讀，館內空間足，樓底高，採光度十足，好舒服，最欣賞兒童圖書館的幼兒圖書閣，有個地台，可以比小朋友無拘無束地睇書，超正。最後可以去天盛街市，感受一下新時代的進化豪華版街市。行下食下玩下又一天(餐廳小食會再分享)
上璋圍
楊侯古廟
古井 睇見d錦鯉住得迫過籠屋，變態的我覺得好治癒，突然感到自己的窩居係樂土。
仁敦岡書室
覲廷書室
合興潮洲花生糖
喜歡食香蕉糕的朋友應該要幫襯下，雖然我無食(因為我唔食香蕉)但朋友話好好食，每次去都買，另外店內的花生糖，薑糖等傳統潮洲軟糖都係人手造，唔太甜。又有傳統麥芽糖夾餅，聽店主介紹都流口水，可以睇片介紹，食左一塊，麥牙糖好清香，唔錯。檔口在鄧氏宗祠旁，好易揾，店主小哥好健談，有關圍村的問題都樂意分享，有問題就問佢啦。
店子在鄧氏宗祠旁，左手邊的一檔就係
老字號
香蕉糕新鮮做，話入口即溶，最多放三日。不過小哥話好多人未去到村口已食哂。
仲有多款糖果選擇
屏山天水圍公共圖書館
往兒童圖書館的樓梯，好細心，有小朋友的扶手
好正的幼兒圖書閣，除鞋內進，可以無拘無束地hea住睇書，大人記住帶水，因為講故事會講到口乾
天盛街市 好厲害，一個公屋街市都可以提供和牛、即食生蠔海鮮店，真係覺得香港人的生活水準好高，以前會諗呢d街市商場趕絶小鋪，但又真係好多時見到舊式街市客人得小貓三四隻，現實就係咁，所以好讚成街市要活化，改變形象，吸引新一代由超市返回街市，眼見好多檔口都由年輕人主理，應該成效唔錯，不過鋪租可以平d嗎？
F1 cafe
喺古色古香的屏山徑內，居然有間好有時代感的特色跑車餐廳，餐廳設計以跑車做藍本，裝飾到枱櫈都係跑車的零件，好有心思。西餐廳，食物係味道一般，價錢喺屏山來講算貴，不過行得攰，坐低飲杯嘢都係一個好選擇，尤其小朋友坐喺跑車型座椅上會好開心。
餐廳招牌係半架立體跑車，好突出。
食物味道ok，我最欣賞個黑松露蔬菜pizza
跑車型座椅，小朋友坐得好開心
細心的小朋友提我，兒童餐具都係整車的工具
車胎吊燈
後巷以跑車parts 砌成的人面裝飾
文章標籤
全站熱搜
留言列表
香港食食食 (25)
