Foodie 生活雜誌

2/2022光顧

午市套餐幾扺食，三個course 加coffee，連加一，三百蚊鬆d，食物味道ok，環境舒適，無限時又食得飽，不妨一試。

頭盤 海鮮沙律，貝類、魷魚、八爪魚，魚，每樣有d，海鮮輕灼後加沙律汁食，食味輕盈清新。

見餐牌寫purgatorio style，想知係乜，所以點來食。其實係番茄芝士及雞蛋放埋一齊，再放入焗爐焗，做法簡單，但味道唔錯，感覺好豐富，喺屋企都可以試做

意大利雲吞 芝士節瓜饀，饀料配搭清新，醬汁香濃，雲吞皮柔軟，厚薄適中，唔錯。

牛面頰paccheri  大圓管麵彈牙，牛面頰炆得又腍又入味，醬汁掛麵，灑上碎芝士，好惹味。

甜品自行到櫃枱甜品櫃揀選，但毫不吸引，而且意大利甜品一向好甜又實，最後選左兩個生果雪芭

椰子及菠蘿雪芭，好多冷凍食品店都有得賣，味道唔錯㗎，好有果味

套餐包咖啡，水準一般

餐廳喺和昌大押地下，餐廳轉過幾次手，今次到意大利餐廳裝，修幾靚，天花垂下的草藤營造出意大利露台雅座的感覺

一抹藍色，添點地中海色彩

保留建築物舊有裝修，一點新一點舊，所謂的活化建築。