Foodie 生活雜誌

1/2017光顧

連續兩晚在荔枝角晚餐，兩晚都係中價西餐，雖然價錢相差三份一，但質素差得遠。貴d呢間開左幾年，剛開業時荔枝角並未好似今日咁興旺，路過見到個水晶燈裝飾格局，價錢又唔平，心諗都唔荒做得耐，點知餐廳直到今時今日仍健在，應該有d料到，又試下。菜式設計平實得來有諗過，煮功扎實唔花巧，用料質素好，味道唔錯，起碼同價錢成正比。若住在區內想食餐似樣的西餐，又唔想出外，呢度係一個選擇。

題外話 :

好多時食飯除左價錢係考慮因素，價值更重要，因為價錢預在比，但值唔值就食過至知，今時今日，試餐廳心口要掛個勇字

是日生蠔 熱門gillardeau，夠新鮮

頭盤 crab cake 應該叫crab ball仲啱，外皮煎得香，啖啖蟹肉，good 

頭盤 beef carpaccio 水準一般，好細碟

頭盤 ceaser 我一轉個頭已經無哂，可能係好食，亦可能係太細碟，味道對我嚟講係一個謎

湯 分別點左蠔湯、龍蝦湯、蘑菇湯

蠔湯同龍蝦湯都係朋友點，見到賣相唔錯，蠔湯有蠔肉，龍蝦湯有龍蝦肉，朋友們話味道唔錯

我點的mushroom carpaccio  通常點呢個湯都係用細細的透明咖啡杯，但呢度用一隻大耳咖啡杯，大大杯好開心。不過反而個菇湯無菇粒，菇味濃，但咸左d

main course NZ lamb rack 始終喜歡NZ 羊多過澳洲羊，羊肉嫩d，較保險。當然若個廚係高手就咩羊都無所謂

main course US Prime Tenderloin 一般牛扒，幾香，咬得開，簡單以露筍甜蘿蔔同薯批做配菜，唔洗花巧，新鮮就好。

main course 澳洲M7和牛肉眼 肉質好軟熟，頗有肉味，係近排食過比較好的一塊牛

main course oyster carbonara 呢個好好食，個汁濃度剛剛好，隻蠔同意粉好來，有錦上添花的感覺

main course 黑豚肉夾荔枝 見到個配搭幾新鮮，我只試左一小口，都係一般ok的水準，食唔到荔枝，朋友話夾在中間，又唔見佢話特別好食，不過見佢食哂，應該可以。

因為今晚的臨時工服務非常麻麻，反映之後侍應送左三個傳統西餐甜品，款款實而不華，幾好味

白酒煮梨 通常係用紅酒煮，我唔太喜歡。但呢度用chardonnay 白酒，味道清新又唔太甜，幾好

雪芭同雪糕結合的甜品，幾靚，但食落口都係雪糕一舊

橙酒pancake 呢個甜品好有懷舊feel，近年都好少食到，對橙酒不感興趣，無食