Foodie 生活雜誌

11/2016 光顧

知道餐廳的午餐對比起同類型fine dining 來講唔算貴，又在九龍，當然要試下。午餐可選2至4個course，最貴都係$488，有d菜式要額外加錢。假日的Brunch menu 平少少，但選擇亦都有點不同。食物不俗，但唔會有驚喜，擺碟清簡，整個餐份量充足，我點左4個course，飽到上心口。在熟齡影響下，下次點3個course 好了。餐廳室內面積唔大，另有室外雅座，氣氛輕鬆。對比起城中幾間著名法國菜的lunch set，呢間形式係一樣，但服務態度麻麻，而且成件事唔夠精緻。不過地點就腳價錢又平一截，都算值得，等轉menu 可以再來。

麵包 : 好鬆軟 有四種牛油提供 : 有鹽、無鹽、chilli、香草

餐前小食 : potato cream tart  , puff in cream cheese，香口又的式

amuse bouche  : Belon 蠔配上青蘋果碎同(唔記得咩)蔬菜粒，但隻蠔居然有點腥。

朋友A點的3 course set

頭盤 : 煎鴨肝入口溶化 配hazel nut 泥，比較重口味，但朋友A好喜歡

主菜 : 大號長通粉內釀亜支竹、芝士、松露，睇個樣都唔多吸引，食落又無味，靠個汁都搞唔掂。

甜品 : 拿破崙(另外有相介紹)

我點的4 course set

頭盤 : 牛肉tartar 生蠔，再加牛尾整成的肉凍，下墊沙律 牛肉tartar 味道濃郁，生蠔鮮甜，碟沙律都好食，但似買菜搭條葱，有點奇怪

頭盤 : 青口冷凍二食 凍食係青口泡泡配沙律，清甜。熱食係青口忌廉湯，奶味重左d

主菜 : 鱈魚 Hake 介紹話油份無cod咁重但一樣咁滑。講真cod fish 我就麻麻，得個肥字。呢隻Hake幾滑又有魚味，魚皮煎得香，唔錯。配上烤香的亜支竹，墊底個包心菜咸咸地，幾好食

甜品 : 拿破崙(另外有相介紹)

朋友B點的 4 course set 

頭盤 : 龍蝦碟   龍蝦鮮甜彈牙，配d花草葉，蔬菜做成的泥 (講真，配料多多，每樣少少，真係無心機寫)

頭盤 : 田雞腿 常見的頭盤，呢個造型係珍寶珠，用脆脆包住炸，外脆內香，肉質肥美，配上西洋菜、辣椒同蘿蔔三款purée ，唔錯

主菜 : 黑毛豬好好食，望落似牛，質地都似牛，肉質鬆軟，好香，簡單配個蘋果purée 就得

甜品 : 朱古力軟心蛋糕加海鹽雪糕

其中兩個set 的甜品係拿破崙 要兩位用，剛剛焗好，由侍應分開兩半，加新鮮cream 、新鮮士多啤梨同berry 醬，個餅好鬆脆，cream同醬又香甜，配埋酸酸地的鮮berry雪糕，好味又開心的甜品

呢餐係慶祝朋友的生日飯，預先通知，送個由macaroon 組成的小蛋糕

最後食埋個精緻小甜點，配上咖啡，男士都話飽

打開玻璃門就係用餐區

芝士櫃

是日餐牌