Foodie 生活雜誌

 12/2017光顧

Mustard 的姊妹店，之前食過同區的Mustard，好滿意，開左新店，當然要幫襯。新店地方大左，裝修靚左，價錢都貴左。菜色有心思，味道不俗，難得上下一心都好有熱誠，老闆固然喜歡食，廚師有心機，連侍應都好熱心介紹菜色，單係果份熱情都令我感覺良好。食物碟頭幾「精緻」，同個儍的去食，係咁點係咁食，好滿足.....直至見到張單🤣🤣🤣

Mustard 食後感 👇🏼

https://hearoom.pixnet.net/blog/post/344008639-mustard%40大坑京街

儍的人喜歡飲酒，佢話支酒ok，仲開左兩支，我唔識，總之易入口就得

紅蝦原隻上，蝦身半熟，好鮮甜。但主角係個蝦頭，上枱時搞下花臣用支靚火槍燒下，蝦膏暖暖地。用脆脆伴碟，蝦膏壓出來伴食，更有質感，good

鯷魚多士 佐酒小食，多士上係茄子蓉同鬼佬咸魚，茄子蓉中和鯷魚的咸味，鯷魚經過煙薫更香，不俗

48個月西班牙火腿 夠油香，佐酒佳品，但個番茄包削左d

八爪魚 見到一定會點的頭盤。呢度做得軟稔好味，配菜紅菜頭好甜，侍應話個汁用左冧酒再加唔知咩搞到有smoke味，咁高層次我識條鐵，好味就係囉。

scallop 份量太少，一人一啖都無左，食完都唔記得咩味

斧頭扒 very good👍🏻平日唔多喜歡食大件扒的我都忍唔住食兩件，咪睇佢大大塊，切開其實得幾件，火喉控制剛好，肉質夠嫩，肉味濃，唔加調味都好食，連骨的肉邊帶點油脂更正，配上Dijon mustard 更加好味

King pawn ravioli 呢個麻麻，就如雲吞皮包住舊蝦膠，咬落成粒燒賣咁，海膽味都唔出

海鮮risotto 咪睇佢賣相似糊仔咁，實則有濃濃的龍蝦味，牛油味香但又唔覺膩，最好笑係個小朋友食完一羹後要食意粉，但都好緊張地要我留多羹比佢。

鯷魚絲櫻花蝦意粉 在座有人唔食蝦，諗住走蝦就算，點知侍應好體貼，幫我分開上，食時自己灑上櫻花蝦就可以，讚👍🏻

澳洲M7和牛 食到最後有條友居然再點塊扒，幾驚佢嚟多個round。和牛喺mustard 食過，都係果幾句 : 牛有牛味，軟稔香口， (我會進修下d詞彙，自己睇都悶)

甜品普通，yogurt 上加d開心菓、士多啤梨，似食早餐

餐廳在酒店1樓，入口有點隱閉，要喺酒店有橫門停車處的角落電梯上

餐廳室內裝飾morden ，有個小露台