Foodie 生活雜誌

12/2018光顧

同班細路去完superpark放電再去書局，路過求其食個下午茶，喺無要求下反而有點驚喜。點三個tea set，雞翼薯條雖則簡單但整得細心好味，幾個餐夾埋有幾件蛋糕仔，用個兩層低茶碟上枱，成件事靚哂。最後仲送埋$5現金券，咪睇金額少少，其實對一間小餐廳來講係賺得一蚊得一蚊，我就覺得好有誠意。間餐廳唔係話什麼必食餐廳，但係食得出有心機做的餐點，行過不妨坐低試下。（中華書局旁，從前橫綱拉麵個位）

同場加影 ： 喺大角咀的superpark真係好好玩，雖然場地唔算大，但勝在遊戲選擇多，密密麻麻，行兩步又一個遊戲，細路放電最啱。大人都要入場費，我都陪埋入去，一來我都貪玩，二來小朋友玩得癲碰撞難免，都係有大人睇住好d。

有關票價事宜請自行查詢

https://superpark.com.hk/

鋪位細，半開放式感覺無咁迫夾，餐廳在掘頭巷尾，唔會多車多人。三個套餐分別係炸雞鎚，煎雞翼同芝士焗薯角，食物炸得乾身入味，一向對食物興趣不大的小朋友都食到唔停口

小蛋糕的朱古力brownie幾好味

最後來杯咖啡，七十零蚊個下午茶，有飲有食有甜品，招呼殷勤，算係咁啦

現金券，好可惜無機會用到。

同場加影superpark放電日，四個大人陪三個細路玩，其中三個大人玩左一陣索性坐埋一邊玩手機，我就死唔蝕底玩哂佢，尤其係個好多通道加滑梯嗰個架，我次次得個睇字，今次可以玩餐飽，真滿足