Foodie 生活雜誌

10/2022 光顧

朋友仔食過話好食，加上當日做緊酸菜魚特價推廣，帶我去試。幾個唔食得辣的人去食川菜，結果都係小辣收塲😝小菜炒得惹味，又唔會太油膩，價錢合理，可以一試。不過味道偏向大路，無傳統的辛辣感。餐廳設有卡啦ok房，隔音極差，當晚有人大唱特唱，鬼殺咁嘈，建議坐遠d。

話說當日有酸菜魚一蚊優惠，但結果除左$1，仲收左原價的加一，即係收左二十幾蚊，我笑住同收銀講佢呃人，收銀都笑住話 ：「都係揾餐食啫。」佢又答得幾好喎👍🏻結果大家一齊大笑😆😆😆

食川菜，無啤酒點成事？

七味青椒雞

雞粒炒青辣椒及蓮藕，香辣入味，送飯之選，不過食正辣椒就會好辣呢！

酸菜魚

魚肉滑，配料有酸菜、芽菜、寬粉及萵苣，好豐富，湯底濃而不膩，食完唔口渴，但酸菜份量少，而且單薄，欠口感

泡椒肥腸

肥腸豐腴入味，洗得乾淨，配合酸酸的泡椒，好開胃，不過配菜又係萵苣，連埋酸菜魚同之後的青炒萵苣，當晚食左好多萵苣。

食川菜我最喜歡點肥腸及田雞，不過我發覺好多人都唔食，今次終於有人陪我食肥腸，希望下次有人陪我食埋田雞。

川悅上上簽

呢個菜式好得意，一枝枝簽串住不同食物，有 : 青瓜、蓮藕、鳳爪、豬耳、雲耳、雞尖、腸仔，豬肚。幾十蚊一筒，抵食又多選擇 ，呢個菜式抵讚

清炒萵苣

萵苣三連發