Foodie 生活雜誌

一大清早出發去賀路港鮮魚市場食早餐，今日天氣麻麻，落雨又大風。印象中的魚市場係好熱鬧好多嘢食，點知到達目的地時只覺空曠又冷清清，得幾間小商店賣海產貨品，裝修簡單，食店又未營業，有點失望，原來我停錯地點，去左對面的浜下水產店。著名的海鮮市場係對面一排紅磚屋內，市場9點開始營業，同日本好多海鮮市場一樣，客人可以即時於場內海鮮店選海鮮，再交由店家即塲烹調，蟹季當然最多人食蟹，不過我夜晚食蟹餐，所以放過佢。最後去場內食店賀露丸食幾碗海鮮丼就算。

之後參觀螃蟹學習館，喺海鮮市場隔離，免費入塲，諗住一場嚟到順便睇下，點知內裡的展品原來幾吸引，小小魚缸內養左好多不同類型的海洋生物，水蛇同八爪魚都有，真係唔錯，假如與小朋友同行，不妨過來睇下。

資訊 :

賀露港 鮮魚市場
地址：鳥取県鳥取市賀露町西3丁目27-1
電話：0857-38-8866

螃蟹學習館（かにっこ館）
地址：鳥取県鳥取市賀露町西三丁目27-2（就在鳥取海鮮市場旁邊）

點解旅行至嚟落雨？不過見到彩虹當係安慰

落車時就係見到呢間平房，四圍靜悄悄的

商店有點簡單

蟹季，好大個蟹工塲

好彩原來真正的海鮮市場在對面馬路的倉庫式建築物

一入到去感覺番哂嚟，場內售賣海鮮及乾貨

另一間貨倉售賣當地農產品，有農民自設攤位，保證新鮮。另外見到牌上介紹有蔬菜放題餐，有興趣可以試下。

農民的名牌夾在帽上，在整理貨物中

成塊面咁大個梨

朋友想食海膽飯，市場內唔覺有靚海膽，只可以選場內唯一開左門的食店 - 賀路幸

室內亮點 ： 在船內用餐。我梗係無坐，爬來爬去，貪得意咩

食物水準中規中矩，不過侍應好友善

今日天氣差加上係冬季，更顯冷清

螃蟹學習館

小朋友可以觸摸海星、海膽等海洋生物。

有小櫈，防水圍裙提供，真細心

小小資料館及遊戲角落，遊戲中學習

學習館內有好多小魚缸，咪睇佢組細個，入面有好多不同種類的海洋生物，好似一個小小水族館

仲有實驗室

小魚至大魚成長過程

螃蟹展館