(雖然係樓景,個八卦望下人地的天台都幾有趣)

1/2016 光顧

午餐時間在附近辦完事,經過見呢座大厦有好多食店,八卦入去睇下。餐廳在商厦頂樓,𨋢門打開,被一大列落地大玻璃窗搶眼球,人唔多,被安排坐窗邊枱,印象中,無試過喺咁高望過旺角,望住不同的建築物,有新有舊,在靜態的地方望住一向熱鬧的旺角,又有另一種感覺,個人好似抽離左咁。講番食物,set lunch $100以下,選擇算多,味道ok,睇得出有心機。晚餐係尖沙咀價錢,成四百蚊個set,不過呢度勝在唔多人,靜靜地,有機會都想試下。若唔想下下入商場,呢度應該係旺角區的好選擇。(位置: 彌敦道726號,旺角中心同聯合廣場中間,星展銀行隔離)
 
點左set lunch menu 上個chef recommend :手打和牛漢堡。件漢堡扒係咪和牛我就唔識分,但肉質都幾滑,唔會鞋口,可惜肉味唔夠濃。個burger上碟時蔬菜同漢堡分開,生菜番茄醬瓜洋蔥放一邊,自己選喜歡的夾入去。奇就奇在個包無醬汁,莫非要order?多口問句至知原來係佢地士帶勞,我見識少。厚切薯仔油左d,不過整體嚟講都ok。
 
 
好開揚㗎,tea time 嘆下咖啡睇下書扮文青都唔錯,我當然繼續睇手機啦
 
 
地方細,無遮無掩,一出𨋢就見哂
 
 
 
透明廚房,一眼見哂
 
 
連加一,一舊水個餐有漢堡有即磨咖啡,今時今日算係咁。你知家陣一個富貴漢堡外賣都要百幾銀,呢度坐得舒舒服服,景觀開揚,算係咁!
 

    

 
 

文章標籤

全站熱搜

Hearoom 發表在 痞客邦 留言(1) 人氣()