Foodie 生活雜誌

12/2015光顧

味道及地方均不俗的一間餐廳。大大的木枱，黃澄澄的吊燈，鄉村與時尚的配搭，有型。餐牌只有一張紙的選擇，菜式時常轉換，餐廳理念係「由農場至餐桌」，每道菜的材料都列明在菜單上，食材新鮮，烹調簡單，款款味道都唔錯。位處中環，價錢當然唔平，值唔值就自己衡量。週末有brunch 供應，評價不錯。位置在藝穗會再上少少，由地鐵站去要行一段大斜路，要有心理準備呀。

麵包配香草牛油  兩者皆普通

Soft duck egg raviolo 一碟一隻大雲吞，鴨蛋包住soft cheese饀，清清淡淡，味道唔突出

Marinated sustainable Blue fin tuna 醃吞拿魚  簡單用豉油醃過的半熟藍旗吞拿，配經過壓縮處理的西瓜，有趣的配搭，西瓜經過壓縮處理，更清甜多汁，咬落爽脆，估唔到一甜一咸的配搭都唔錯，平時我好怕食吞拿，呢個幾好。

 Californian artichokes ‘Barigoule’  呢個沙律所有材料一眼見哂，食新鮮材料，食原味。

慢煮羊肩 肉質軟稔入味，肉連筋，感覺好有骨膠原，配菜有扁豆花生，topping係芒果，酸酸甜甜，中和肉膩，Good !

 澳洲tenderloin  肉質軟綿綿但又有咬口，配上醃菜及肉汁，簡單好味

Fresh squid ink linguine 墨汁意粉  有紅蝦，海膽，三文魚子，紅蝦鮮甜多膏，個sauce creamy 得來唔滯，整體好味

Saffron and tomato risotto 番紅花龍蝦意大利飯 點的時侯係因為「番紅花Saffron」先點，其實我唔知係咩，只知係高原的植物，好似好勁，但結果食完都唔知番紅花係咩。反而個飯好好味，mascarpone cheese 淡淡的，加上啖啖龍蝦肉，口感豐富的意大利飯

French monkfish 煎焗鮟鱇魚 鮟鱇魚肉質較實，比較起來，我喜歡sea bass多d。 而且今晚食的咬落有點水泡泡，普通

Homemade Pavlova 睇到開心食落普通的甜品

Dark chocolate fondant 唔知點解次次實有人點呢個甜品。間間餐廳都有少少變化，呢間就朱古力味濃，配個咸焦糖雲呢拿雪糕，好食d

今次包房

 餐廳環境不錯