Foodie 生活雜誌

和洋式小酒館，提供小食及餐酒，菜式有心思，擺盤靚，但味道唔算突出，食完有點口渴。餐廳氣氛唔錯，同朋友傾下偈，飲下食下，細細碟可以試多幾款。

餐廳侍應服務唔錯，態度友善，用餐時間分兩段，六點及八點十五分，我選後者，但侍應當日下午打來話我可以7點入座，呢個安排我好欣賞，雖然限時，但會靈活安排。

牛肉他他，調味重手

醉鴨胸雞肝醬，鴨胸肉嫩，用酒醃過，下面鋪鴨肝，以鴨肉夾住肝醬及無花果食，唔錯

青瓜花内釀蝦、帶子及芝mouse，配黑松露醬，幾好

白子飯團，就係呢個菜式吸引我去。輕輕灼過的白子下係醬油燒飯團，下面係鮑魚湯，食的時候㦚開飯團，似湯飯咁食，幾特別👍🏻

鰻魚沙律，蔬菜加烤鰻魚，好一般

慢煮北海道豬肉，舊肉整到介乎叉燒與腊肉之間的質地，普通。侍應問我好唔好食，我答普通，佢好驚訝，我以為自己答錯問題

侍應推介的味噌雪糕，侍應話係用白味噌，所以係甜，但我又食唔出，似雲呢拿雪糕多d

chef送的小丸子，小丸子上面鋪左糖漬雪梨片，旁邊有汁醬點

兩杯highball ，朋友話ok，我嗰杯無味，似冰水

餐廳喺歌賦街，晚上好靜，裝修幾有氣氛，牆上塊布好型

話說我訂位後，睇日本雜誌的時候見到有介紹，雜誌用「逆輸入」來形容。我影低相去到問侍應，原來餐廳二廚因為攞唔到香港的工作簽證，無法留港，大廚好有義氣，喺日本開一間比二廚打骰，菜式同香港八成相似，不過侍應話香港好食d，因為大廚喺度😆