Foodie 生活雜誌

2/2022 光顧

餐廳小巧，似法式小酒館，之前經過見到，感覺良好，食物簡單但美味，侍應親切，用餐經驗愉快。餐牌分三個類別 : small ，big，sweet，全部份量好細，small 的一個人一碟，big勉強可share，我一個人都食左五款，餐廳好受歡迎，午市用餐時間只有60分鐘，晚市90分鐘，呢度的食物咁細碟係夠時間食的，若食完想傾下偈就要轉場了。呢種用餐時間已經成為常態，睇怕要開始學韓國人一樣「續攤」了。

Grilled octopus 八爪魚柔軟有焦香，配墨魚汁及南瓜醬汁，好味

Ravioli 一碟一隻，雲吞內係芝士同蛋黃，topping 有炸左的菇片，配牛油汁，味道香濃，雖然無肉都好滿足

Bucatini  alle vongole 空心長通粉有咬口，蜆肉細但肉厚，醬汁帶辣夠惹味，一人份量剛好

Wild mushroom 菇菌真係百搭易整又好味，幾款菇菌用香草蒜蓉炒，加點脆脆增加增次感，同蛋黃撈埋一齊食，口感更豐富

Tiramisu 最喜歡食呢種傳統tiramisu，一砵咁用羹食，簡單三層 : 香濃可可粉，幼滑cheese cream 及醇香咖啡酒，好食滿足，唔好搞咁多新意。

餐廳喺九如坊，裝修簡潔，廿幾個位，一眼見哂