離開草津溫泉後出發往伊香保温泉。去今次行程重點之一的清水屋食烏冬。日本有三大烏冬，分別係秋田県的稻庭餛飩、香川県的贊岐烏冬同群馬県的水澤烏冬。稻庭同贊岐食得多，水澤烏冬就第一次食，當然要選已經有400年歷史的元祖的清水屋，烏冬全部自家製，只提供冷烏冬，配上麻醬汁食，烏冬彈牙有咬口，介乎於稻庭的滑及贊岐的彈牙，可能先入為主，麵質無稻庭及贊岐般突出，不過作為一個烏冬迷，總要完成心願試齊佢。餐後往水澤觀世音行一圈就往伊香保温泉出發了。
資訊 :
清水屋
電話：0279-72-3020
往水澤途中的道之駅有個望住大橋的足湯
清水屋。 其實成條街都係烏冬店，其中喺清水屋旁的大澤屋幾豪華，菜式選擇亦較多，各位去到可以再選擇，反正每間應該差不多。
從前清水屋的外貌，一間可以營業多年，𠄘傳多代的烏冬屋，剩係份堅持已經值得一訪。
烏冬工房
曬晾烏冬的架
餐廳有好多名人明星來光顧，包括「Do 姐去shopping 」的do do 姐，店員都有比Do姐的簽名板我地睇
因為係平日，食客唔多
只提供冷烏冬，以胡麻醬汁伴食，呢個係中size
朋友貪心，點大size ，份量好多
松茸天婦羅，醬薄乾身，松茸香，咬落充滿水份。食的時候只覺得唔錯，隔日喺附近休息站食一碗炸松茸烏冬，個松茸咬落去就似索滿油的海綿，分別簡直係天與地。
牛蒡天婦羅 甘香清甜
小食，左手邊的係白松茸，好香
餐後參觀水澤觀世音，喺清水屋附近，有兩個停車塲，停在上面大停車塲就唔使行樓梯
若停下面停車場就要行呢條長樓梯入寺
水澤觀世音係一間普通寺廟，無甚特色，草草行一個圈就離開了。
因為地方細，無咩好行，最後上埋山
都係無嘢睇
行番落地發覺原來幾高
全站熱搜
留言列表
香港食食食 (25)
