Foodie 生活雜誌

11/2021光顧

餐廳賣點係居高臨下的海景view，總廚來自西西里島，所以餐牌內海鮮菜式較多。pasta好食，其他食物味道不俗但無驚喜，感覺平凡，有點失望。午市套餐4 course唔包飲品，所以若來食飯真係要book窗邊位至值。

Amuse bouche carrot mouse 蓋住炸過的大蔥，cream 上洒上松子，甜甜滑滑的似雪糕，幾好食

自家制sourdough ，麵包外皮脆，內裡濕度剛好，配四款橄欖油，味道由淡到濃，我當然分唔出😜

有橄欖油，當然要有醋。呢枝醋味道好濃好味，不過唔知點解要叫侍應攞至有。

頭盤 三文魚、蕃茄、牛油果、魚子醬，望落好豐富，朋友話好味

頭盤 beef carpaccio 唔知點解，成碟食物連牛肉都係完全無味，失敗

Pasta 烏魚子、白肉鮮魚、扁意粉 意粉比想像中諗身，烏魚子有咸香，sauce好味，整體不俗

Pasta 紅蝦 短寬管粉煙靭好味，紅蝦肥美，醬汁香濃，好味

Main course 紅石班 。介紹話係主廚的簽名菜，我心諗係法蘭西的馬賽魚湯咁，原來呢個清好多，魚肉嫩滑湯香濃，旁邊的蒜蓉烤薄脆浸湯食，添香添層次，但整個菜式我就略嫌清淡。

Main course 伊比利亜豬肉 介紹話特色係舊豬肉食落口感似牛肉，呢個介紹幾有趣。朋友戒食牛肉多年，我笑話佢可又懷念下食牛肉的感覺。最後朋友的評價話幾肥膩

甜品 Tiramisu。咖啡沙冰 我對所謂正宗意大利餐廳的tiramisu向來有期望，但呢個味道淡，cream唔滑，非常普通，配沙冰更覺畫蛇添足，莫非用沙冰補償給咖啡味？

甜品 杏仁蛋糕。焦糖無花果。開心果雪糕 反而朋友呢個甜品唔錯，甜度適中，無花果香甜，杏仁味亦好出，good 

petit four 的花生造型mousse好香

面對咁靚的海景，就算個餐唔包都另點咖啡嘆下。咖啡當然都係一般，但朋友話佢杯mocha好飲。

訂位時餐廳問有無特別慶祝，隨口話有朋友生日，餐廳送左呢個有塊朱古力薄片蓋住的杯，扑開左有陣煙同一張寫住happy birthday的紙，我同朋友都覺得好無謂。

餐廳喺102樓，先搭電梯去103樓再落一層

出電梯後坐扶手電梯落一層

入門處迎來水晶走廊

餐廳樓底高，一列海景，居高臨下，極開陽，不過裝修有點舊

當日係晴天，又坐到餐廳的最好位置，飽覽維港美景，抵哂