Foodie 生活雜誌

天氣報告好準，今日真係落雨，一早plan左shopping，所以影響唔大。天氣報告好準，一早就落大雨，著左水鞋著埋gore-tex，影響不大，想起一句芬蘭諺語：「無不適合的天氣，只有不適合的衣着」。先去二条市場食海膽飯，結果食到火起，立即轉塲食多碗至可以平復心情，隊友當然唔陪我癲，佢自己四圍行，原來幫我物色飯後咖啡店，真係多謝晒。之後行街，因為最後一日喺城市，所以要買的今日要買哂…….不過結果我買最多的都係Daiso雜貨😆😆晚餐喺酒店後面的串燒店，兩個人合埋眼點飲埋酒食到飽都唔使三舊，好滾動。yen 價低，真係使得好順心。

二条市場好多人，但好似細左好多，無乜嘢睇。不過我主要係嚟食海膽飯。

諗住間間餐廳差不多，見呢間無咁多人排隊，揀左呢間，點知水準強差人意，見到海膽隻色已經唔得，仲要水汪汪，飯的醋味過重，完全錯哂😡

坐低的時候話賣哂，我想起身走，點知問完又話有，結果中伏

嬲到即時去另一間餐廳補食，質素係天與地，一早食兩碗飯，雖然好飽但唔辛苦，莫非真係化悲憤為食量？

飯後啡，商業大廈地庫的一間咖啡店，開放式，只得少量座位

小店主要賣手沖咖啡，直接從供應商入豆，好多款豆揀

雖然用紙杯，但價錢平，我唔要求，喺香港飲杯百幾蚊都係紙杯，真係比香港飲食業訓練到我好卑微

我去daiso做大豪客，買二十幾樣都係二百幾港銀，當中好多都唔只百yen，買得好開心

喜歡宮崎駿，每次經過橡子共和國唔買都睇下，要知道宮崎駿動畫有衆多角色，見到卡西火有獨立專架，佔一席位，好戥佢高興😆

晚餐食串燒，食得盡興