Foodie 生活雜誌

城中熱門米芝蓮星星法國餐廳，窮風流的我，當然繼續食lunch。作為星星餐廳，價錢算親民，由三百零蚊3個course 至四百零蚊5個course 。環境都係而家最興的有型cozy裝飾，有花園位，亦有private room。 唔算難book，早一日訂都有位，不過只能被安排坐吧枱，坐位算舒適。但個open kitchen 就令我對呢間餐廳大打折扣。呢類餐廳隊team 通常好似on stage 咁，認真有型地煮嘢食。但呢team人一睇套制服就知型唔起，頂帽居然係紙帽，仲要係中間有層薄紗透氣的，配埋套白色衫，以為去左食高級燒臘！加上個個煮到hea下hea下咁，全無台型，煮出來的食物點會好食？就算型仔主廚出來見到我食mussel無匙用，親自叫人幫我攞匙都救唔番。想做高級，靠一個人點得？食物麻麻，成個餐牌只可揀到三個course，(我通常一定點5個course) 服務亦唔專業，我點的菜售罄都唔通知我，我見廚房煮來煮去都無我點的，唔對路，問下至知。作為一間星級餐廳，我覺得係唔應該出現呢個狀況。不過見開飯網好評如潮，應該係我唔識欣賞？定係lunch平d,所有嘢都降grade？

 

 

 

碟沙律配椰菜⋯少見⋯