Foodie 生活雜誌

4/2016光顧

餐廳宣傳集中在主廚之前係Bombana餐廳的意粉師傅，自立門戶。當然係先試午餐最穩。價錢當然比Bombana平一截，同樣地，食物味道亦不能相比。Pasta的質感係差不多，但個sauce就差得遠。不過總括來講百零蚊個午餐，在銅鑼灣區又唔算貴，都可以一試，份量偏少。

個麵包籃有點驚喜，有麵包有cold cut 仲有和牛肉碎。不過麵包全部toast過，橄欖油加醋就油過多，醋太少，食唔出味。

上完麵包，包都未食就立即上Pasta ，以為上錯，但主廚話係咁，真係食海無涯，又開眼界。都唔知食邊樣先好，結果當然係Pasta 先啦，凍左唔好食。香蒜辣椒手造意大利麵配日式帶子，個碟好靚，Pasta 質感唔錯，彈牙有粗糙感，食得出係handmade ，但個sauce就唔得，淡而無味，香蒜辣椒都食唔出，帶子係刺身薄片，頗鮮甜。份量少，得幾著，食哂d包至飽，難怪要一齊上。

 卡扒千奴另加$18，味淡。都係點跟餐咖啡好d，可以慳番來點個湯，聽隔離枱話湯好味。

餐廳在食廈，地方所限，一出𨋢就係餐廳，一眼見哂，高檔唔起。不過casual d 仲好