太后愛花，所以排行程的時候點都要有賞花的環節。因為太后要求高，所以我選擇離岡山站老遠，位於米子，有「西日本最大花園」之稱的鳥取県立とっとり花迴廊，仲要即日來回，交通時間已花去半天，一般人應該唔會咁排。雖然已踏入春天，但花園唔見得花團錦簇，可能地方太大，花圃分散，部分花圃更加未有花，太后唔多滿意，不過有臣兒全程推住輪椅相伴，總算搏得太后一笑。晚上喺AEON mall內的牛舌專門店食烤牛舌，今次終於對口味，大后舉起大姆指，我安樂了。
餐廳資訊 :
たん屋びぜん （牛脷）
地址 ： AEON MALL 6/F
岡山去米子坐JR特快車程都要2小時10分鐘，仲要再轉shuttle bus， 為左爭取時間遊樂，選擇坐晨早7點車，不過一早已經好多人了
太后要在車上補眠
在米子站一出站左手邊就會見到接駁巴士，車程25分鐘，每小時兩班
花圍入場費成人1000yen，持外國護照半價，好抵
日本社會高齡化，所以除左bb車，輪椅及助行車都有提供免費借用
全園最觸目的大圓頂温室。
內裡係熱帶花園，可以睇到各種蘭花
蘭花走廊
園內另一特色係一條環繞公園一周的空中走廊，除左可以從高處俯瞰花園，仲可以遮風擋雨。
大廣場
玫瑰園。多個不同品種，不同顏色的玫塊，置身其中，唔使將鼻子湊近花朵都聞到玫瑰花香，好正！
花之丘。又係罌粟花的季節，開滿小花的山丘幾靚，不過太后嫌花開得唔夠茂密
樹下有人寫生，好寫意。
花園好大，可以坐遊園火車遊覽，車站在公園入口處
太后坐私家車，即係輪椅。全程有私人司機，指東行東，指西行西。其實太后當初唔肯坐，但經過上年行公園行錯路，要太后行多好多冤枉路，肉都赤埋，今次半呃半氹，話我個袋重，佢坐住輪椅可以幫我攞袋，佢至肯坐。其實佢坐輪椅係有好處，因為我個人好心急，成日自己行開左去影相，但推住佢焗住要一齊行，可以慢下來，一直陪住太后。太后好滿足地講 :「食食，我好多謝你，估唔到你肯為我推輪椅！」真係有病，唔知以為我平時好刻薄佢。
小花園
同一品種，不同顏色的花
慶祝令和年號的花氈，不過好似仍未準備好
園內好多地方的花圃仍未有花
離開花園坐車回岡山，等車其間過去境港線月台，境港最出名係鬼太郎，所以月台都滿滿係鬼太郎的裝飾，好可愛。其實坐咁遠車來到，應該去埋境港，最好過一晚夜，不過我唔想搬行李轉酒店咁勞累，所以睇完花園就離開，浪費了。
回到岡山已經係傍晚，立即去AEON mall 醫肚
たん屋びぜん ，仙台牛舌名店，太后叫佢十二人屋😅
要食當然係食最好，我點左極牛，數量限定，我當日五點幾到，可以食到，之後朋友試過六點幾來到都賣哂了。
牛舌有炭燒香，柔軟彈牙，好好味，香港一定食唔到，喜歡牛舌的朋友不容錯過
留言列表
香港食食食 (25)
