Foodie 生活雜誌

在酒店check out 寄存行李後，去AEON mall作最後衝刺，我的衝刺係去書店睇雜誌，太后就在商場閒晃。睇到差不多時間就去樓上食lunch，餐廳昨晚已揀好，同太后再食鰻魚飯，飯後出發去機場，完成今次旅程。

後記 ： 予其話我帶太后去旅行，不如話係佢成全我的任性 ： 陪我去小島齋坐，等我可以慢慢睇藝術品，陪我去咖啡店、温泉旅館內睇雜誌，陪我去日歸温泉館瞓晏覺，其實為太后安排的節目都係我喜歡的，雖然中間有激氣時，但我亦明白自己的心急同專權的缺點，明白太后已盡力忍讓，大家學會尊重對方，多點溝通。不得不讚太后實在醒目，好多時識得自己番酒店，又識what app 溝通，省卻我不少麻煩，對於一個老人家來講，算係好醒，所以我比個like佢😁

餐廳資訊

 めじろ屋　本店

 地址 ： AEON MALL 6/F

(番外篇)

太后有令 ： 下次唔使四圍去，住兩晚温泉旅館，食幾餐美食就得。

我： OK，下年再去

太后 : 吓！下年咁耐？

(睇來佢應該以為我發左)

準十點，等書店開門即入去。

最愛睇雜誌，唔識日文都睇得開心。

めじろ屋本店 我地坐低無耐已全店滿座。好彩太后醒目，來排定隊攞位，佢居然識登記！話說我叫佢早到就坐外面的櫈排隊等，點知佢見好多人登記，唔蝕底八卦下至知要登記，坐喺度唔算。比個讚佢

炭火燒，睇見呢個陣式好有信心

太后未食過穴子，所以點穴子飯，穴子係彈牙，但唔夠肥美，太后都係喜歡鰻魚飯

每次睇呢d介紹雖然唔多明寫乜，但都覺得好勁

我都唔太喜歡穴子，所以點燒蠔燒蠔鰻，鰻魚香，但斜切變相魚肉薄左，口感無咁豐腴，鰻魚汁亦帶點咸，不過整體ok

可以加茶做茶泡飯，介紹話係特制出汁，但我食唔出

飯後回酒店取行李後到車站坐車到機場，好多人排隊，記得早點去車站，行李放在外面排隊，人可以在等候室內坐，差不多到班車時間再在行李旁排隊，大叔職員會安排大家登車，但千萬唔好放低行李走左去至last minute 至回來，有兩位小姐就係咁，為職員帶來麻煩

再見了，岡山。一上車就落雨，感謝上天賜我整個旅程的晴天，感恩