Foodie 生活雜誌

(地方高雅簡單，似去人地屋企食飯)

9/2016 光顧

餐廳N年前在中環卑利街內開設自製鵝肝專門店，法式小店好精緻，食過一次，點知想再去已關門。多年後睇雜誌知道在灣仔重開，轉營做私房菜，梗係要幫襯。餐廳搬左上商厦，租金壓力應該無咁重。餐廳裝修清雅舒服，無多餘裝飾，焦點都落在兩盞吊燈上。晚餐只有套餐可選，menu每隔一段時間轉換，食物用料質素高，從味道至擺碟都屬於實際派，食的係食物的味道，唔係食調味料，擺碟簡約，甚至係零雕花。驚喜欠奉，但會係實際煮個餐你食的餐廳，有點似以前的OLALA，但價錢平好多。

生蠔另點，非常新鮮鮮甜

麵包熱辣辣，外脆內軟，法蘭西海鹽牛油好味

法國菠蘿蕃茄伴海鮮  蕃茄切薄片墊底，上面放蝦及象扙蚝，好清新的頭盤

雜菌湯 湯好濃，唔係平日飲的粒粒菌湯，就似將所有菌的精華溶化在湯內

蕃茄魚湯 同雜菌湯的煮法一樣，飲到鮮味

花瓜有兩款揀，一款煎一款煙燻，一冷一熱，各有各好，冷的又香又滑，兩者皆入口即溶，花瓜都係配無花果最好食

主菜每人選一款 鴨肶乾左d，麻麻

威爾斯羊 只用點點黑椒調味，肉嫩，無一般羊肉的羶味，只識形容羊有羊味

法國珍珠雞腿 食西餐好少食雞，但主菜無心水，侍應又推薦，又試下。味道唔錯，雞肉滑，仲幾入味，唔差。

鳥結冰膏 自家制，凍的軟身鳥結糖，唔太甜，果仁香脆，唔錯

creme brûlée 我無食，朋友又無話特別好味

餐牌定期轉換