Foodie 生活雜誌

11/2018 光顧  

終於葵芳都飲到一杯比較認真的咖啡。跟住地址往工廠區 𥚃 跑，咖啡店在工廠大厦三樓，與其話係咖啡室，不如叫咖啡炒豆工塲更貼切。單位三份二面積為炒豆工塲，只係簡單地在窗邊整張梳化，再放幾張枱就係咖啡角落。店內只提供簡單三文治及蛋糕。材料已準備好在膠盒內，三文治夾好再加熱就係。想食好 d 可以去集團旗下的尖沙咀或柴灣 cafe 。

星期六的工廠區好寧靜

咖啡工場在工廠大厦內，大門似入金庫

一入門口就係 coffee bar

又一道門

門後面係炒豆工塲，咖啡豆主要提供到各大餐廳及自家 cafe

hand drip 預備中

自家出品的 cold brew ，年輕咖啡師請我飲（係個杯的份量，支咖啡借來影相。

芝士磨菇三文治，簡單易做，不過用料唔欺場，個包外脆內軟，幾有水準，好過附近商場內的咖啡店

飲完呢杯 hand drip 之後，我終於接受我係唔識欣賞。因為 hand drip 係飲咖啡豆的味道、產地、烘培方法，可以好深入，好有學問，但我只係一個粗枝大葉的人，只停留在好飲及唔好飲階段，無謂再浪費金錢，決定日後主攻肥威

coffee corner ，無乜裝飾，應該係旨在 coffee tasting ，勝在夠靜，瞓著都無人理

​