Foodie 生活雜誌

午餐後開車往Fjaðrárgljúfur(峽谷)，沿住一號公路行會經過兩個景點 : Laufskálavarða叠石陣及 skaftareldahraun 苔原，我去之前只在網上見到呢兩個地方，無話特別要去，所以無入GPS，不過沿路就見到，總之見到有人停車駛埋去就係。Laufskálavarða叠石陣佈滿許願的叠石，整整齊齊一排排，佔地頗大，聽講真係由不同人叠，真係好懷疑係咪真係有咁多人喺不同時段來許願之餘又會整得咁靚？沿路兩旁都係苔原，好少見到咁多青苔，感覺似喺另一個行星，不過唔可以行入去，可能因為咁，所以有skaftareldahraun呢個觀光點。景點在苔原內設有步道，大家可以係步道上近距離接觸苔原，不過其實若你係自駕，路上都有好多停車處可停低睇到。不過呢度就可以喺唔傷害苔蘚生態下走入苔原中。

經歷左陰天雨天多日，個天終於光了點。

Laufskálavarða叠石陣 好多個石堆，大部份都有點歷史，底部都長出草了

遠處的雪山

我地唔叠了，因為我好知足，感謝上天賜我的我切，跟我其中兩個最愛的人手拉手留下開心一刻好了。

沿路都係大片大片的苔原。

以為係苔蘚包住大石，都係硬，原來好腍，似鋪左厚地氈的石頭

似一個小星球

轉角遇見淡淡彩虹

skaftareldahraun 苔蘚公園

呢度的苔蘚更密集，高低起伏，好特別，可惜無陽光，影出來無晒立體感

終於去到今日行程中最後的景點 ： Fjaðrárgljúfur 峽谷。太陽出來了，可惜已經係夕陽，天色亦開始暗，但總好過落雨。峽谷旁邊有鋪好的路，可以沿住崖頂行，從頂部觀看峽谷，沿路設有觀景台，峽谷盡頭係瀑布，因為時間已晚，我無行到盡頭，各位可以於留言部分睇駕駛員的航拍片，睇左當行左。峽谷兩邊非常公整，峭壁上鋪滿苔蘚，整個環境好原始，似魔戒的塲景，仿佛會有精靈隨時走出來。太后喺停車場見到要行，例牌又話無咩好睇，去完個厠所就返回車內坐，我同美魔女自己行上去，駕駛員當然又掛住揸飛機(航拍）。在山上見到美景，但我亦懶得再叫太后來睇，怕佢又話唔知喺邊度睇過，又話唔靚，但美魔女叫我揾太后來睇，我唯有行番落山接太后上來。好在太后對景色滿意，仲肯主動影相，真係多得美魔女鼓勵。

天開始亮

冰島處處是瀑布

來到Fjaðrárgljúfur 峽谷，橋上留影

峽谷唔算巍峨，但有原始感

行人道，得一條路，沿住行就係

走入峽谷，在崖上望入峽谷，都幾有氣勢

有人揸完飛機來報到

路上有不同的觀景台，有遊客同領隊前來，聽到領隊講解地理歷史，因為英文差，想執平嘢（偷聽）都唔得

峽谷回望

太后叫影相，我迫佢除左件綿胎一樣的羽絨外套，即時順眼好多