離開Skogafoss後往下一個景點Dyrhólaey Lighthouse ，在懸崖上的lighthouse，介紹話「崖上可以俯瞰整個黑沙灘及觀puffin鳥，冰島最南端海角Dyrhólaey的美景盡收眼底，」。上到崖上，壯麗的景色呈現眼前，長長的黑沙灘配合陰暗的天色，更覺荒涼，長滿青苔的肖壁係海鳥的安樂窩，Puffin鳥就見唔到，但大量海鳥在崖邊盤旋而飛，似睇緊發現台(Discovery channel)的畫面。行過去light house，巨大的火山溶岩海蝕拱門Reynisdrangar 就在眼前，此時太后終於吐出一句 : 呢度幾靚。我心情即時好似打機過關一樣興奮，來到冰島第三日，終於有個太后稍為滿意的景點！之後往黑沙灘途中遠眺懸崖，我開心地落車影相，太后一句 ：有幾分似南非的桌山囉，有咩好影？同百勝灘一樣，我都未去過南非，唯有翻個白眼又上車。
沿住之字的泥路上頂，車路凹凸不平，但問題不大
停車處，不收費，有位就泊
崖上的太后
遠方就係下一個目的地 : 黑沙灘Reynisfjara
似乎有人想跳崖
長長的黑沙灘，冰島大部分沙灘都係黑沙
遠望燈塔
觀鳥勝地
海鳥就喺呢個崖上，或盤旋或休息
似堡疊的燈塔
溶岩海蝕拱門Reynisdrangar ，可以行過去，不過我無行
往黑沙灘Reynisfjara 途中遠眺lighthouse ，羊生羊太等過馬路
太后口中的桌山
羊生羊太過馬路
去到黑沙灘Reynisfjara 主要係睇玄武岩岩石群，雨愈落愈大，不過沙灘仍然好熱鬧，好多遊客。大家都去哂個岩石群削壁爬上爬落影相。喺進入沙灘前，已跟太后briefing ，同佢講沙灘會有大浪，叫佢跟住我地行，唔好走失。我地三人掛住影相，影影下就唔見左太后。初初以為佢走入岩洞避雨，點知去到又唔見人，喺沙灘上環顧四週都見唔到，打電話又無聽，我個心開始急，怕佢比浪捲走，三個人分頭揾，一路揾一路驚，揾左一陣，太后終打電話來，我問佢喺邊，佢話喺停車場隔離的餐廳坐緊，仲要話 ： 「你諗都諗到啦」我即時氣炸，立即對住電話開火狂鬧，若果當時佢企我面前，我一定吹雞叫個浪捲走佢
知道太后安全後，我地三人可以放心慢慢行慢慢影。回到餐廳揾太后，見佢坐喺落地大玻璃旁的餐枱專心打機，面前有飲完的咖啡及食物，同太后講 ：「你終於捨得買嘢食🏻」，點知太后講 ： 「儍左咩！我梗係唔會買，d嘢食睇見都唔開胃，我見有人走左，立即坐過來，扮食完，咁至可以慢慢坐唔比人趕嘛」我堅係覺得佢勁，除左比個讚之外，我都唔知講乜好🤣🤣🤣
未進入沙灘已經見到告示牌，警告沙灘會有巨浪，加上網上睇睇埋埋的經驗，又話濕晒身，又話大浪會無聲無息掩至，更覺危險
沙灘外圍係岩石及黑沙，感覺荒涼
黑沙灘的沙梗係黑色
諗住會好荒涼，點知都幾多遊客
落大雨，以為太后會喺岩洞內避雨，點知唔係
岩洞外望，平時通常喺山崖望落海至見到的岩洞，如今可以行入去，幾特別
岩洞內的六角柱岩，好有迫力
外面係一大幅六角柱岩牆，好多人喺度取景，你睇我幾努力去捕捉駕駛員最有動感的一面🤣
今日只係大雨，唔算大風，所以無遇到可怕的大浪
望到崖上的puffin 鳥，puffin 鳥每年5至9月會來冰島繁殖，我見到呢幾隻應該係最後一批了。原本見唔到，係puffin在我地頭上飛過至發現，我的iphone bb盡哂力都只影到模糊影像，算係見過
離開黑沙灘，來到小鎮Vik 食午餐。遠眺地標紅色小教堂
好多餐廳都過左午餐時間，只好在商場food court 內享用簡單午餐
從Vik的黑沙灘望向Reynisfjara
 |
|
留言列表
香港食食食 (25)
