Foodie 生活雜誌

從機場去到酒店check in 後，又到晚餐時間。一早諗定今晚要食串燒，喺日本食串燒價錢比香港平，質素比香港高，最重要係用炭燒，香好多，問問G神(google)，check到酒店後的串燒店「伊勢廣」幾合眼緣，決定去碰碰運氣，結果當然係無位。不過店主好友善，介紹我去前面，同樣係串燒店的「榮一」，可能佢見我一臉茫然，居然親自帶我到榮一店內同店員交帶。串燒店分兩層，好企理。嬸嬸招呼周到。由於我地唔識日文，店家只比兩個套餐選擇，不過之後追加其他食品都可以。套餐以燒鳥為主，有一串鴨肉，又有醃菜，結尾有雞湯及生果，水準不俗又飽肚，飲飽食醉都唔肉赤，可以一試。

資訊

榮一 @京橋（串燒）

https://www.google.com.hk/amp/s/s.tabelog.com/tokyo/A1302/A130202/13000542/top_amp/

餐廳在小街內的地鋪，唔難揾

餐廳面積唔大，地面層面積有十幾個位，有吧枱有獨立枱，因為有客人，唔方便影相。我地被安排坐樓下

下層環境幾迫夾，好彩禁煙

仲要比間房我，舒服哂

兩款套餐選擇，內容大致相同，貴價的多幾串，價錢相差唔大，我地選價錢較高的一款

啤酒係串燒的好伙伴

蘿蔔蓉清甜無渣，用 來 伴 串 燒 食， 為 串 燒 降 溫 ， 無咁 熱 氣 。

雖然唔係坐師傅面前，但串燒都唔會一次過上，慢慢來，每次由嬸嬸遂串放在各人碟內，上菜速度剛好

串燒包括雞的不同部份，內藏都有，鹽燒汁燒齊備，味道由淡至濃，中間有蔬菜醃菜隔開下，唔會太滯，幾全面的一個套餐。雞肝半熟，超正。

自己散點的雞尾巴及雞皮，香港好少食到雞patpat(我未見過)，而且雞皮通當燒到脆卜卜乾爭爭。其實雞尾啖啖肉又嫩滑，一點異味都無。不過串雞皮可以再乾身少少

濃濃的清雞湯

每次見到日本蜜瓜都想起多拉A夢同大雄

大滿足！

除左串燒，仲有燒鳥丼同親子丼，不過附近餐廳「雞味座」的親子丼都好味，記得加雞肝

https://hearoom.pixnet.net/blog/post/341117070-2017東京遊-遊記篇-day-2-（包括餐廳雞味座及bluebottle)