Foodie 生活雜誌

團友話要食鰻魚飯，又話要食海膽飯，睇下個行程，喺東京實在無空檔塞個鰻魚飯入去，只有修善寺行程的兩餐無著落，碰下運氣。結果死好命，去到修善寺的旅遊中心，職員推介呢間。去到餐廳門口大大枝旗寫住鰻魚，應該無走雞。鄉村小店，食物簡單得來真材實料，味道扎實，食得順心的一餐。

(同場加影 :  東京往修善寺)

資料 : 

安兵衛@修善寺 

https://s.tabelog.com/shizuoka/A2205/A220504/22002666/dtlphotolst/

餐廳在車站往修善寺路上的河邊橋畔，未到達温泉街

充滿鄉村風味的小店

推門內進，原來唔係小店，除左吧枱，仲有兩間大房

魚缸內有河鮮

鰻魚飯 燒得油亮香口，醬汁味道適中，不俗

蟹膏湯烏冬 睇餐牌見到碗麵有個小蟹蓋喺面，幾骨子，點一碗試下，整碗湯充滿蟹膏，好重蟹味，有驚喜。團友話蟹糕用罐頭，我唔信，因為食唔到味精，雞同鴨講地問侍應，証實係自家製，佢話係用japan hairy crab 做

燒鮎魚套餐 見到魚缸貼住「天然鮎」當然要試下。落單後，師傅就會喺魚缸撈魚，新鮮烤熟，皮香骨脆，細細條魚但肉厚肥美。

同場加影東京往修善寺 : 一向都喺綠色窗口買車票，今次因為太多人排隊，試下去售票機買，職員用心地教我，仲唔使排隊，真好。

一早從東京站坐車去修善寺，早餐在車上解決

坐踊子號直達，唔使轉車，記住坐左面，有海景。不過班次較疏，所以回程時要在三島轉車。

從車站坐巴士去温泉街約10分鐘，若唔想等車，可以在觀光中心租單車，不過要在馬路上行車。車站內有locker，可存放大件行李

由於團友們唔識踩單車，又唔想等車，所以選擇行路，當散步。車站旁的小書店。

過橋後一直行就係，路程二十分鐘左右

日本小鎮好多河川，天陰陰，感恩上天愛護，坐底食飯至落雨，食完飯出來已停雨

秋收

沿住馬路旁行，無乜景睇

見到雞乸咁大隻字就知道差不多到了。